చిన్నారులకు ఆటపాటలతో నాణ్యమైన విద్య

చిన్నారులకు ఆటపాటలతో నాణ్యమైన విద్య

● జిల్లా మహిళా అభివృద్ధి, శిశు సంక్షేమశాఖ పీడీ అనంతలక్ష్మి ● కాశీపురంలో శిక్షణ తరగతుల సందర్శన

దేవరాపల్లి: పిల్లలకు పోషకాహారంతో పాటు ఆట పాటలతో కూడిన నాణ్యమైన విద్యను అందించాలని జిల్లా మహిళా అభివృద్ధి, శిశు సంక్షేమ శాఖ ప్రాజెక్టు డైరెక్టర్‌ కె.అనంతలక్ష్మి అంగన్‌వాడీ కార్యకర్తలకు సూచించారు. ఈ మేరకు మండలంలోని కాశీపురం హైస్కూల్లో జరుగుతున్న పోషణ్‌బి–పడాయిబి కార్యక్రమాన్ని బుధవారం ఆకస్మికంగా సందర్శించారు. ఈ సందర్భంగా మాట్లాడుతూ శిక్షణ కార్యక్రమంలో బోధించిన అంశాలను ఆకలింపు చేసుకొని అంగన్‌వాడీ కేంద్రాలలో అమలు చేయాలని సూచించారు. పోషణ్‌ ట్రాకర్‌లో లబ్ధిదారులతో తప్పనిసరిగా ఎఫ్‌ఆర్‌ఎస్‌ వేయించాలని ఆదేశించారు. స్థానిక ఐసీడీఎస్‌ సీడీపీవో మంగతాయారు, సూపర్‌వైజర్లు సుశీల, రాములమ్మ, ఆదిలక్ష్మి, శ్రీలక్ష్మి పాల్గొన్నారు.