బెల్లం ఊట ధ్వంసం

బెల్లం ఊట ధ్వంసం

వేటపాలెం: మండల పరిధిలోని అక్కాయిపాలెం దగ్గరలో బైపాస్‌ రోడ్డు పక్కన గల జీడి మామిడి తోటలో దాచి ఉంచిన బెల్లపు ఊటను ధ్వంసం చేసినట్లు ఎకై ్సజ్‌ సీఐ నాగేశ్వరరావు గురువారం తెలిపారు. తమకు వచ్చిన సమాచారం మేరకు జీడి తోటలో నాటుసారా తయారీ కోసం ప్లాస్టిక్‌ డ్రమ్ముల్లో నిల్వచేసిన బెల్లం ఊటను భూ మిలో దాచి ఉంచినట్లు తెలిపారు. వాటిని గుర్తించి డ్రమ్ములను అక్కడే ధ్వంసం చేసినట్లు తెలిపారు.

ఉరి వేసుకుని విద్యార్థి ఆత్మహత్య

మాచర్ల రూరల్‌: మండల పరిధిలోని రాయవరం గ్రామ సమీపంలో ఉన్న ఓ ప్రైవేటు పాఠశాల హాస్టల్‌ గదిలో 9వ తరగతి విద్యార్థి పంది రాజశేఖర్‌ (16) ఉరి వేసుకొని ఆత్మహత్య చేసుకున్న ఘటన గురువారం చోటుచేసుకుంది. రూరల్‌ పోలీసుల కథనం మేరకు.. వెల్దుర్తి మండలం లోయపల్లి గ్రామానికి చెందిన రాజశేఖర్‌ మధ్యాహ్నం పాఠశాల నుంచి హాస్టల్‌కు వెళ్లి భోజనం చేశాడు. తర్వాత గదిలో ఎవరూ లేని సమయంలో ఫ్యాన్‌కు తాడుతో ఉరివేసుకున్నాడు. విషయం తెలుసుకున్న యాజమాన్యం రాజశేఖర్‌ను హుటాహుటిన ప్రభుత్వాసుపత్రికి తరలించారు. చికిత్స నిర్వహిస్తుండగా విద్యార్థి మృతిచెందినట్లు వైద్యులు తెలిపారు.