పసిడి కిందికి.. వెండి పైకి..

Gold Price Today: దేశంలో బంగారం ధరల హెచ్చుతగ్గులు కొనసాగుతున్నాయి. క్రితం రోజున మోస్తరుగా పెరిగిన పసిడి ధరలు నేడు (నవంబర్‌ 28) మళ్లీ స్వల్పంగా తగ్గుముఖం పట్టాయి. దేశంలో బంగారం ధరలు ద్రవ్యోల్బణం, అంతర్జాతీయ ధరలలో మార్పు, సెంట్రల్ బ్యాంక్ గోల్డ్ రిజర్వ్, హెచ్చుతగ్గుల వడ్డీ రేట్లు, నగల మార్కెట్‌లతో సహా అనేక అంతర్జాతీయ కారకాలపై ఆధారపడి ఉంటాయి.

హైదరాబాద్‌, విశాఖపట్నం, విజయవాడ సహా  తెలుగు రాష్ట్రాలోని వివిధ ప్రాంతాల్లో  గురువారం 22 క్యారెట్ల బంగారం 10 గ్రాముల ధర స్వల్పంగా రూ.150 తగ్గింది. దీంతో రూ.70,900 వద్దకు వచ్చింది. అలాగే 24 క్యారెట్ల బంగారం  రూ.160 క్షీణించి రూ.77,350 వద్దకు తగ్గింది.

బెంగళూరు, చెన్నై, ముంబై ప్రాంతాలలోనూ ఇదే స్థాయిలో బంగారం ధరలు స్వల్పంగా తగ్గాయి. ఇక ఢిల్లీలో 10 గ్రాముల 22 క్యారెట్ల బంగారం రూ.150 తగ్గి రూ.71,050 వద్దకు రాగా, 24 క్యారెట్ల పసిడి రూ.160 తగ్గి రూ.77,500 వద్దకు క్షీణించింది.

ఇదీ చదవండి: అకౌంట్‌లో క్యాష్‌.. ఈ లిమిట్‌ దాటితే రంగంలోకి ఐటీ శాఖ

మరోవైపు వెండి ధరల్లో (Silver Price Today) మాత్రం నేడు స్వల్పంగా పెరుగుదల నమోదైంది. హైదరాబాద్‌లో వెండి కేజీకి రూ.100 మేర పెరిగింది. దీంతో ప్రస్తుతం ఇక్కడ కేజీ వెండి ధర రూ.98,800 వద్దకు చేరింది.

(Disclaimer: పైన పేర్కొన్న బంగారం, వెండి ధరలు సూచనపూర్వకమైనవి మాత్రమే. వీటిపై జీఎస్టీ, టీసీఎస్‌, ఇతర పన్నులు, సుంకాలు అదనంగా ఉండవచ్చు. ఖచ్చితమైన ధరల కోసం మీ స్థానిక నగల దుకాణంలో సంప్రదించండి)