TV
డిజైనర్ సబ్యసాచి ముఖర్జీ ఫేమస్‌ బ్రాండ్‌ సబ్యసాచి(Sabyasachi) 25వ వార్షిక వేడుకలు ఘనంగా జరిగాయి. ఈ కార్యక్రమంలో దాదాపు 700 మందికి పైగా అతిథులు పాల్గొన్నారు. ఈ వేడుకలో పాల్గొనేవాళ్లంతా రాయల్టీకి అద్దం పట్టేలా డ్రెస్‌ లుక్‌ ఉండాలి. తప్పనిసరిగా నలుపు రంగు డ్రెస్‌కోడ్‌ అనుసరించాలనే నిబంధనలు ఉన్నాయి. అయితే ఈ నిబంధనలకు అనుగుణంగా రాజరికదర్పంతో అద్భుతంగా కనిపించారు మహారాష్ట్ర మహారాణి రాధికా రాజే గైక్వాడ్‌(Radhika Raje Gaekwad ).
ఆమె ప్రపంచంలో అత్యంత విలాసవంతమైన భవంతుల్లో ఒకటైన గుజరాత్‌ వడోదరలోని లక్ష్మీ విలాస్ ప్యాలెస్‌లో నివశిస్తోంది. ఈ వేడుకలో ఆమె నాటి రాజరికపు చరిత్రను గుర్తు చేసేలా శతాబ్దాల నాటి పురాతన చీరలో మెరిసింది. ఇది వందేళ్ల నాటి పైథానీ నౌవారీ(Black Paithani Nauvari Saree) నలుపు రంగు చీర. చెప్పాలంటే తొమ్మిది గజాల కాటన్‌ పైథానీ చీర ఇది. ఈ చీర జరీని స్వచ్ఛమైన బంగారంతో తయారు చేస్తారు.
ఇది మహారాష్ట్ర సంప్రదాయ చీర. రాధిక రాజేకు మన భారతీయ వారసత్వ చీరలంటే ఆమెకు మహా ప్రీతి. ఎవరికైన పురాతన కాలం నాటి చారిత్రక నేపథ్యంతో ముడిపడి ఉన్న చీరల గురించి తెలుసుకోవాలనుకునేవారికి ఆమె ఇన్‌స్టాగ్రామ్‌ ఓ నిధిలా ఉంటుంది. అంతలా పురాతన చీరల కలెక్షన్‌ రాధిక రాజే వద్ద ఉంది. అందుకు సంబంధించిన చిత్రాలను ఇన్‌స్టాలో షేర్‌ చేసింది. అలాగే పోస్ట్‌లో తొమ్మిది గజాల లేదా నౌవారీ చీర గురించి రాశారు. టిష్యూలు, షిఫాన్‌లు విస్పీడ్రేప్‌, సున్నితమైన జరీ మోటిఫ్‌లు, గోసమర్‌ టచ్‌తో కూడిన కాటన్‌ చందేరీలు మహారాష్ట్ర మహిళలకు ఎంతో ఇష్టమైనవి.
ప్రస్తుతం అలాంటి తొమ్మిది గజాల చీర కొనడం అనేది దాదాపుగా అసాధ్యం అనే చెప్పాలి. పైగా వీటిని ఎక్కువగా సీనియర్‌ మహిళలు(అమ్మమ్మలు, బామ్మలు) ధరిస్తున్నారు. ఇలాంటి తొమ్మది గజాల చీరలను మాత్రం ముంబైలోని పనిమనుషులు, మత్స్యకారుల ఒంటిపై దర్శనమిస్తున్నాయి." అని పేర్కొన్నారు రాధికా రాజే.
(చదవండి: కోడలికి గిఫ్ట్‌గా 'ఖందానీ హార్‌'ఇచ్చిన నీతా అంబానీ..! ప్రత్యేకత ఇదే)
Comments
Please login to add a commentAdd a comment