ఆకతాయిల భరతం పట్టాలి

ఆకతాయిల భరతం పట్టాలి

మెదక్‌ మున్సిపాలిటీ: షీటీంను మరింత పటిష్ట పరిచి ఆకతాయిల భరతం పట్టాలని ఎస్పీ ఉదయ్‌కుమార్‌రెడ్డి అన్నారు. గురువారం జిల్లా పోలీస్‌ ప్రధాన కార్యాలయంలో షీటీం అధికారులతో సమావేశం నిర్వహించారు. ఈసందర్భంగా ఆయన మాట్లాడుతూ.. జిల్లాలో షీటీమ్స్‌తో మహిళలు, బాలికలు, విద్యార్థినులకు భరోసా కల్పిస్తున్నామని తెలిపారు. ఆకతాయిలతో ఎలాంటి ఇబ్బందులు ఎదురైనా వెంటనే 8712657963, 6303923823 నంబర్లలో సంప్రదించాలన్నారు. వాట్సాప్‌ ద్వారా సైతం ఫిర్యాదు చేయవచ్చని సూచించారు. అంతకుముందు మహాత్మా గాంధీ వర్ధంతిని పురస్కరించుకొని జిల్లా పోలీస్‌ ప్రధాన కార్యాలయంలో ఆయన చిత్రపటానికి పూలమాల వేసి నివాళులర్పించారు. కార్యక్రమంలో అదనపు ఎస్పీ మహేందర్‌, జిల్లా పోలీస్‌ అధికారులు, సిబ్బంది పాల్గొన్నారు.

ఎస్పీ ఉదయ్‌కుమార్‌రెడ్డి

ఏఆర్‌ కానిస్టేబుల్‌కు అభినందనలు

రాష్ట్రస్థాయి పోలీస్‌ క్రీడోత్సవాల్లో జిల్లా తరఫున పాల్గొని బంగారు పతకం సాధించిన ఏఆర్‌ కానిస్టేబుల్‌ రాజశేఖర్‌ను గురువారం ఎస్పీ ఉదయ్‌కుమార్‌రెడ్డి అభినందించారు. కరీంనగర్‌ జిల్లాలో 3వ రాష్ట్ర పోలీస్‌ స్పోర్ట్స్‌ అండ్‌ గేమ్స్‌ మీట్‌లు జరుగుతున్నాయి. టేబుల్‌ టెన్నిస్‌ డబుల్స్‌ విభాగంలో బంగారు పతకం, సింగిల్స్‌లో రాజశేఖర్‌ కాంస్య పతకం సాధించారు.