విద్యార్థులను ప్రోత్సహించాలి

విద్యార్థులను ప్రోత్సహించాలి

డీఈఓ రాధాకిషన్‌

హవేళిఘణాపూర్‌(మెదక్‌)/అల్లాదుర్గం: పదో తరగతి విద్యార్థులు చదువు పూర్తయిన తర్వాత ఏ కోర్సులు తీసుకోవాలని అవగాహన కల్పించి వారు మంచి స్థాయికి ఎదిగేలా ప్రోత్సహించాల్సిన అవసరం ఎంతైనా ఉందని డీఈఓ రాధాకిషన్‌ అన్నారు. గురువారం మండల కేంద్రం జిల్లాలోని ఉపాధ్యాయులకు నిర్వహించిన అవగాహన కార్యక్రమానికి ముఖ్య అతిథిగా హాజరై మాట్లాడారు. విద్యార్థులు పదో తరగతి తర్వాత తీసుకోవాల్సిన కోర్సులు, కోర్సు తీసుకోవడం వల్ల ఎలాంటి ఉపాధి అవకాశాలుంటాయనే దానిపై అవగాహన కల్పించారు. కార్యక్రమంలో డైట్‌ కళాశాల ప్రిన్సిపాల్‌ గంగయ్య, జిల్లా సైన్స్‌ అధికారి రాజిరెడ్డి, అకాడమిక్‌ మాటనిరంగ్‌ ఆఫీసర్‌ సుదర్శన్‌మూర్తి, రిసోర్స్‌ పర్సన్స్‌ సుభాశ్‌రెడ్డి, ప్రవీణ్‌కుమార్‌, విఠల్‌ తదితరులు పాల్గొన్నారు. అనంతరం అల్లాదుర్గం మండల పరిధిలోని ముస్లాపూర్‌లో పదో తరగతి విద్యార్థులతో మాట్లాడారు. పరీక్షలు దగ్గర పడుతున్నాయని ఆందోళన పడకుండా, చదువుపై దృష్టి పెట్టాలని సూచించారు. విద్యార్థుల ఫోన్‌ వాడకం ఎక్కువైందని, దీంతో సైబర్‌ నేరాలు పెరుతున్నాయని ఎస్‌ఐ ప్రవీణ్‌రెడ్డి అన్నారు.