TV
విజయ్‌ కథానాయకుడిగా నటిస్తున్న తాజా చిత్రం లియో. లోకేష్‌ కనకరాజ్‌ కథ, దర్శకత్వం వహిస్తున్న ఈ చిత్రాన్ని ఎస్‌ఎన్‌ లలిత్‌కుమార్‌ భారీ బడ్జెట్‌లో నిర్మిస్తున్నారు. మాస్టర్‌ వంటి సూపర్‌ హిట్‌ చిత్రం తరువాత విజయ్‌, దర్శకుడు లోకేష్‌ కనకరాజ్‌ కాంబోలో రూపొందుతున్న చిత్రం కావడంతో లియోపై భారీ అంచనాలు నెలకొన్నాయి. ప్రస్తుతం ఈ చిత్ర షూటింగ్‌ శరవేగంగా జరుపుకుంటోంది. ఇప్పటికే సగానికి పైగా షూటింగ్‌ పూర్తి అయినట్లు సమాచారం.
త్రిష, ప్రియా ఆనంద్‌ హీరోయిన్లుగా నటిస్తున్న ఇందులో బాలీవుడ్‌ నటులు సంజయ్‌దత్‌, అర్జున్‌, దర్శకుడు గౌతమ్‌ మీనన్‌, మిష్కిన్‌, డ్యాన్స్‌ మాస్టర్‌ శాండీ, మ్యాథ్యూ థామస్‌ నరేష్‌ వంటి ప్రముఖులు నటిస్తున్నారు. తాజాగా ఇందులో హీరోయిన్‌ మడోనా సెబాస్టియన్‌ చేరినట్లు ప్రచారం జరుగుతోంది. మలయాళ చిత్రం ప్రేమమ్‌ ద్వారా పరిచయమైన ఈ ముద్దుగుమ్మ, ఆ తరువాత తమిళం, తెలుగు చిత్ర పరిశ్రమల్లోకి ఎంట్రీ ఇచ్చింది.
ముఖ్యంగా తమిళంలో కాదలుమ్‌ కడందు పోగుమ్‌, కవన్‌, వానం కట్టట్టుమ్‌ తదితర చిత్రాల్లో నటించింది. తాజాగా లియో చిత్రంలో ముఖ్యపాత్ర పోషిస్తున్నట్లు ప్రచారం జరుగుతోంది. అయితే దీనికి సంబంధించిన అధికారిక ప్రకటన రావాల్సి ఉంది. సాధారణంగా లోకేష్‌ కనకరాజ్‌ చిత్రాల్లో హీరోయిన్లకు పెద్దగా ప్రాముఖ్యత ఉండదు. అలాంటిది లియో చిత్రంలో ఇప్పటికే త్రిష, ప్రియాఆనంద్‌లు నటిస్తుండగా ఇప్పుడు మడోనా సెబాస్టియన్‌ పేరు కూడా తెరపైకి రావడం ఆసక్తిగా మారింది.
Comments
Please login to add a commentAdd a comment