TV
‘మ్యూజిక్‌ స్కూల్‌’లో అడ్మిషన్‌ తీసుకోనున్నారు శ్రియ. కానీ ఈ మ్యూజిక్‌ స్కూల్‌ సంగీతం నేర్చించే అకాడమీ కాదు. సంగీతం ద్వారా పిల్లల చదువుల గురించి చెప్పే ‘మ్యూజిక్‌ స్కూల్‌’ సినిమాలో ఆమె కథానాయికగా నటించనున్నారు. ఈ చిత్రానికి ప్రముఖ సంగీత దర్శకులు ఇళయరాజా బాణీలు అందిస్తారు. ‘విల్లింగ్‌ టు శాక్రిఫైజ్‌’ డాక్యుమెంటరీతో జాతీయ స్థాయి అవార్డులు సాధించిన బియ్యాల పాపారావు దర్శకత్వంలో ఈ సినిమాను యామినీ ఫిలింస్‌ నిర్మించనుంది.
శర్మాన్‌ జోషి, శ్రియ ప్రధాన పాత్రల్లో నటించనున్న ఈ బహు భాషా చిత్రంలో బ్రహ్మానందం, ప్రకాశ్‌రాజ్‌ తదితరులు కీలక పాత్రధారులు. డాక్టర్లను, ఇంజినీర్లను చేయడానికి పిల్లలను క్రీడలకు, కళలకు దూరం చేస్తున్న అంశం నేపథ్యంలో ఈ సినిమా ఉంటుందట. ఇందులో దాదాపు పన్నెండు పాటలు ఉంటాయని సమాచారం. ఈ సినిమాకు లండన్‌ బేస్డ్‌ సినిమాటోగ్రాఫర్‌ కిరణ్‌ దేవ్‌హాన్స్‌ (హిందీ చిత్రం ‘జోధాఅక్బర్‌’కు వర్క్‌ చేశారు) వర్క్‌ చేయనున్నారు.
Comments
Please login to add a commentAdd a comment