నేను దిగితే మిగిలేదుండదు!

రామ్‌ హీరోగా బోయపాటి శ్రీను దర్శకత్వంలో రూపొందుతున్న సినిమాకు ‘స్కంద’ అనే టైటిల్‌ ఖరారు చేశారు. ‘ది ఎటాకర్‌’ అనేది ఉపశీర్షిక. ఈ చిత్రంలో రామ్‌ సరసన శ్రీలీల హీరోయిన్ గా నటిస్తున్నారు. సోమవారం ‘స్కంద’ టైటిల్‌ గ్లింప్స్‌ను విడుదల చేశారు చిత్రయూనిట్‌.

‘మీరు (సినిమాలో రౌడీలను ఉద్దేశిస్తూ..) దిగితే ఊడేదుండదు... నేను దిగితే మిగిలేదుండదు..’ అంటూ రామ్‌ చెప్పే డైలాగ్‌తో ఈ గ్లింప్స్‌ విడుదలైంది. జీ స్టూడియోస్, పవన్  కుమార్‌ సమర్పణలో శ్రీనివాసా చిట్టూరి నిర్మిస్తున్న ఈ చిత్రం తెలుగు, తమిళం, కన్నడ, మలయాళం, హిందీ భాషల్లో ఈ సెప్టెంబర్‌ 15న విడుదల కానుంది. ఈ సినిమాకు సంగీతం: తమన్ , కెమెరా: సంతోష్‌ డిటాకే.