TV
సూపర్‌ స్టార్‌ మహేశ్‌బాబు హీరోగా నటిస్తున్న తాజా చిత్రం ‘సర్కారువారి పాట’. పరశురామ్‌ దర్శకత్వం వహిస్తున్న ఈ చిత్రంలో కీర్తి సురేశ్‌ హీరోయిన్‌. తమన్‌ సంగీతం అందిస్తున్నారు. ఇటీవల ఈ చిత్రం నుంచి ‘కళావతి’ అనే సాంగ్‌ని విడుదల చేసిన సంగతి తెలిసిందే. ప్రస్తుతం ఈ సాంగ్‌ యూట్యూబ్‌లో దుమ్మురేపుతోంది. 100 మిలియన్స్‌ పైగా వ్యూస్‌ని సాధించి, రికార్డు సృష్టించింది.
విడుదలైన తొలి రోజు నుంచే ఈ మెలోడీ సాంగ్‌ జనాల్లోకి దూసుకెళ్లింది. ఏ ఫంక్షన్‌లో చూసినా ఈ పాటే వినిపిస్తోంది. ముఖ్యంగా ఈ పాటలో మహేశ్‌బాబు వేసిన స్టెప్పులు యూత్‌ని బాగా అట్రాక్ట్‌ చేశాయి.ఈ పాటపై ఇప్పటికే అనేకమంది నెటిజన్స్ రీల్స్ చేసి అలరించారు. ఈ మెలోడీ సాంగ్‌కి అనంత్‌ శ్రీరామ్‌ సాహిత్యం అందించగా, సిద్‌ శ్రీరామ్‌ తనదైన శైలీలో ఆలపించారు. మరోవైపు ఈ సినిమా నుంచి విడుదలైన రెండో పాట ‘పెన్నీ సాంగ్‌’సాంగ్‌ కూడా యూట్యూబ్‌లో దూసుకెళ్తోంది.
