తీవ్ర స్థాయిలో వాయు కాలుష్యం.. ఢిల్లీలో స్టేజ్‌-3 ఆంక్షలు

న్యూఢిల్లీ: దేశ రాజధాని ఢిల్లీలో వాయు కాలుష్యం ప్రమాదకర స్థాయికి కి చేరింది. రెండు రోజులుగా  గాలి నాణ్యత తీవ్రమైన కేటగిరిలో కొనసాగుతోంది.సెంట్రల్ పొల్యూషన్ కంట్రోల్ బోర్డ్ (CPCB) ప్రకారం రాజధానిలో ఎయిర్ క్వాలిటీ ఇండెక్స్‌ ఏకంగా 500 స్థాయికి దగ్గరవుతుంది. ఫలితంగా విజిబిలిటీ సున్నాకి పడిపోవడంతో రోడ్లపై వాహనదారులకు ఎదురుగా వచ్చే వాహనాలు సైతం కనిపించకపోవడంతో ఇబ్బందులుపడ్డారు.

దేశ రాజధానిలో మితిమీరుతున్న వాయు కాలుష్యంతో ప్రభుత్వం అప్రమత్తమైంది. ఢిల్లీ- ఎన్సీఆర్‌ పరిధిలో రేపు (శుక్రవారం) ఉదయం 8 గంటల నుంచి యాక్షన్‌ప్లాన్‌ జీఆర్‌పీఏ మూడో దశను అమలు చేయాలని  ఎయిర్ క్వాలిటీ మేనేజ్‌మెంట్ కమిషన్ (CAQM)  నిర్ణయించింది.
చదవండి: ఢిల్లీని కమ్మేసిన పొగమంచు.. 300 విమానాల రాకపోకలపై ప్రభావం

• GRAP-3 అమలులో ఉన్న సమంలో భవన నిర్మాణ పనులు, కూల్చివేతలు నిలిపివేయనున్నారు. 

• అన్ని మైనింగ్ కార్యకలాపాలు ఆగిపోనున్నాయి.  

• నాన్-ఎలక్ట్రిక్, నాన్-సీఎన్‌జీ, నాన్‌ -BS-VI డీజిల్ అంతర్రాష్ట్ర బస్సులు పరిమితం చేశారు. 

• ఢిల్లీ-NCRలో పరిధిలో 5వ తరగతి వరకు పాఠశాలలు మూసివేయనున్నారు.]

• రేపు ఉదయం 8 గంటల నుంచి BS-III పెట్రోల్, BS-IV డీజిల్ నాలుగు-చక్రాల వాహనాలపై నిషేధం విధించనున్నారు.
• వాణిజ్య వాహనాలు దేశ రాజధానిలోకి ప్రవేశించకుండా నిషేధం విధించారు.