TV
భారత అభిమానులకు గుడ్‌ న్యూస్‌. దాయాదుల పోరుకు మరో సారి రంగం సిద్దం కానుంది. ఈ ఏడాది జరగనున్న ఆసియా కప్‌లో భారత్‌- పాకిస్తాన్‌లు మరో సారి తలపడనున్నాయి. దీనికి శ్రీలంక వేదిక కానుంది. శ్రీలంక వేదికగా ఆగస్టు 27 నుంచి సెప్టెంబర్‌ 11 వరకు జరగనుంది. ఈ నిర్ణయాన్ని వార్షిక సాధారణ సమావేశంలో భాగంగా ఆసియా క్రికెట్ కౌన్సిల్ తీసుకుంది. ఆసియా క్రికెట్ కౌన్సిల్ ఆధ్యక్షుడిగా జైషా ఉన్నారు.
ఇక ఈ సారి ఆసియా కప్‌ టీ20 ఫార్మాట్‌లో జరగనుంది. అదే విధంగా ఈ టోర్నమెంట్‌లో మొత్తం 6 జట్లు పాల్గోనున్నాయి. కాగా 2020లో జరగాల్సిన ఆసియాకప్‌ కరోనా కారణంగా వాయిదా పడిన సంగతి తెలిసిందే. ఆసియాకప్‌ చివరసారిగా 2018లో జరిగింది. 2018 ఆసియా కప్‌ను భారత్‌ కైవసం చేసుకుంది.
ఇక భారత్‌-పాక్‌ దేశాల నెలకొన్న ఉద్రిక్తల మధ్య ఇప్పటిలో ఇరు దేశాల మధ్య ద్వైపాక్షిక సిరీస్‌లు జరిగే అవకాశం లేదు. దీంతో క్రికెట్ అభిమానులు ఐసీసీ ఈవెంట్‌లు కోసం ఎదురు చూడాల్సి వస్తుంది. ఇక ఈ ఏడాది ఆస్ట్రేలియాలో జరగనున్న టీ20 ప్రపంచకప్‌లోను ఇరు దేశాలు తలపడనున్నాయి.
చదవండి: Yastika Bhatia: 'క్రికెట్‌లో రాణించేందుకు ఇష్టమైనవి వదులుకున్నా'
Comments
Please login to add a commentAdd a comment