TV
న్యూజిలాండ్‌తో జరిగిన టి20 సిరీస్‌లో క్లీన్‌స్వీప్‌ కాకుండా పాకిస్తాన్‌ తప్పించుకుంది. శనివారం జరిగిన ఐదో టి20లో పాక్‌ 42 పరుగుల తేడాతో న్యూజిలాండ్‌పై విజయం సాధించింది. ముందుగా పాక్‌ 20 ఓవర్లలో 8 వికెట్ల నష్టానికి 134 పరుగులు చేసింది. మొహమ్మద్‌ రిజ్వాన్‌ (38), ఫఖర్‌ జమాన్‌ (33) రాణించారు.
కివీస్‌ బౌలర్లలో సౌతీ, ఇష్‌ సోధి, ఫెర్గూసన్, హెన్రీ తలా 2 వికెట్లు పడగొట్టారు. అనంతరం న్యూజిలాండ్‌ 17.2 ఓవర్లలో 92 పరుగులకే కుప్పకూలింది. సొంతగడ్డపై కివీస్‌కు టి20ల్లో ఇది రెండో అత్యల్ప స్కోరు. ఫిలిప్స్‌ (26), అలెన్‌ (22) మాత్రమే ఫర్వాలేదనిపించారు.
‘ప్లేయర్‌ ఆఫ్‌ ద మ్యాచ్‌’ ఇఫ్తికార్‌ అహ్మద్‌ (3/24) ప్రత్యర్థిని దెబ్బ తీశాడు. 275 పరుగులు సాధించిన అలెన్‌ ‘ప్లేయర్‌ ఆఫ్‌ ద సిరీస్‌’గా నిలిచాడు. తొలి నాలుగు మ్యాచ్‌లు గెలిచిన న్యూజిలాండ్‌ 4–1తో సిరీస్‌ గెలుచుకుంది.
Comments
Please login to add a commentAdd a comment