IPL 2022: కేకేఆర్‌పై ఎస్‌ఆర్‌హెచ్‌ ఘన విజయం

ఐపీఎల్‌ 2022లో ఎస్‌ఆర్‌హెచ్‌ హ్యాట్రిక్‌ విజయాన్ని నమోదు చేసింది. కేకేఆర్‌పై ఏడు వికెట్లు తేడాతో ఎస్‌ఆర్‌హెచ్‌ ఘన విజయం సాధించింది. 176 పరుగుల లక్ష్యంతో బరిలోకి దిగిన ఎస్‌ఆర్‌హెచ్‌ 17.5 ఓవర్లలో మూడు వికెట్లు కోల్పోయి చేధించింది. రాహుల్‌ త్రిపాఠి(37 బంతుల్లో 71, 4 ఫోర్లు, 6 సిక్సర్లు), ఎయిడెన్‌ మార్క్రమ్‌(36 బంతుల్లో 68 నాటౌట్‌, 6 ఫోర్లు, 4 సిక్సర్లు) జట్టును విజయతీరాలకు చేర్చారు. కేకేఆర్‌ బౌలర్లలో ఆండ్రీ రసెల్‌ 2, పాట్‌ కమిన్స్‌ ఒక వికెట్‌ తీశాడు.

ఎస్ఆర్‌హెచ్‌ బ్యాటర్‌ రాహుల్‌ త్రిపాఠి సూపర్‌ హాఫ్‌ సెంచరీతో మెరిశాడు. 21 బంతుల్లోనే అర్థశతకం మార్క్‌ అందుకున్న త్రిపాఠి ప్రస్తుతం 33 బంతుల్లో 64 పరుగులతో ఆడతున్నాడు. మార్క్రమ్‌ 22 పరుగులతో ఆడుతున్నాడు. ప్రస్తుతం ఎస్‌ఆర్‌హెచ్‌ 2 వికెట్ల నష్టానికి 113 పరుగులు చేసింది.

176 పరుగుల లక్ష్యంతో బరిలోకి దిగిన ఎస్‌ఆర్‌హెచ్‌ 40 పరుగులకే రెండు వికెట్లు కోల్పోయింది. 17 పరుగులు చేసిన కేన్‌ విలియమ్సన్‌ రసెల్‌ బౌలింగ్‌లో క్లీన్‌బౌల్డ్‌ అయ్యాడు. 

ఎస్‌ఆర్‌హెచ్‌తో మ్యాచ్‌లో కేకేఆర్‌ నిర్ణీత  20 ఓవర్లలో 8 వికెట్ల నష్టానికి 175 పరుగులు చేసింది. నితీష్‌ రాణా 54 పరుగులతో టాప్‌ స్కోరర్‌ కాగా.. చివర్లో ఆండ్రీ రసెల్‌ 24 బంతుల్లోనే 3 ఫోర్లు, 4 సిక్సర్లతో 49 పరుగుల మెరుపు ఇన్నింగ్స్‌ ఆడాడు. ఎస్‌ఆర్‌హెచ్‌ బౌలర్లలో నటరాజన్‌ 3, ఉమ్రాన్‌ మాలిక్‌ 2, భువనేశ్వర్‌, సుచిత్‌, మార్కో జాన్సెన్‌ తలా ఒక వికెట్‌ తీశారు.

16 ఓవర్ల ఆట ముగిసేసరికి కేకేఆర్‌ 5 వికెట్ల నష్టానికి 122 పరుగులు చేసింది. నితీష్‌ రాణా 50, రసెల్‌ 12 పరుగులతో ఆడుతున్నారు.

ఏడు పరుగులు చేసిన షెల్డన్‌ జాక్సన్‌ ఉమ్రాన్‌ మాలిక్‌ బౌలింగ్‌లో వెనుదిరిగాడు. భారీ షాట్‌కు యత్నించి నటరాజన్‌కు క్యాచ్‌ ఇచ్చి వెనుదిరిగాడు. ప్రస్తుతం కేకేఆర్‌ 5 వికెట్ల నష్టానికి 112 పరుగులు చేసింది. నితీష్‌ రాణా 44, రసెల్‌ 8 పరుగులతో ఆడుతున్నారు.

ఉమ్రాన్‌ మాలిక్‌ బౌలింగ్‌లో శ్రేయాస్‌ అయ్యర్‌(28) క్లీన్‌బౌల్డ్‌ అయ్యాడు. దీంతో కేకేఆర్‌ 70 పరుగులు వద్ద నాలుగో వికెట్‌ కోల్పోయింది. క్రీజులో నితీష్‌ రాణా(18), షెల్డన్‌ జాక్సన్‌(0) ఉన్నారు.

6 ఓవర్లు ముగిసేసరికి కేకేఆర్‌ 3 వికెట్ల నష్టానికి 57 పరుగులు చేసింది. శ్రేయాస్‌ అయ్యర్‌ 22, నితీష్‌ రాణా 11 పరుగులతో ఆడుతున్నారు.

ఎస్‌ఆర్‌హెచ్‌తో జరుగుతున్న మ్యాచ్‌లో కేకేఆర్‌ 31 పరుగులకే మూడు వికెట్లు కోల్పోయి కష్టాల్లో పడింది. నటరాజన్‌ ఒకే ఓవర్లో రెండు వికెట్లు తీసి కేకేఆర్‌ను దెబ్బతీశాడు. శ్రేయాస్‌ అయ్యర్‌ 9, నితీష్‌ రాణా(0) క్రీజులో ఉన్నారు.

ఐపీఎల్ 2022 సీజన్‌లో శుక్రవారం సన్‌రైజర్స్  హైదరాబాద్‌ కేకేఆర్‌ను ఎదుర్కోనుంది. టాస్‌ గెలిచిన ఎస్‌ఆర్‌హెచ్‌ బౌలింగ్‌ ఎంచుకుంది. తొలుత ఓటములతో లీగ్‌ను ప్రారంభించినప్పటికి రెండు వరుస విజయాలతో ఎస్‌ఆర్‌హెచ్‌ ఫామ్‌లోకి వచ్చింది.

మరోవైపు కేకేఆర్‌ ఐదు మ్యాచ్‌ల్లో మూడింట గెలిచి.. రెండు ఓడింది. ఇరు జట్ల మధ్య గత రికార్డులను పరిశీలిస్తే.. సన్‌రైజర్స్‌పై కేకేఆర్‌ పూర్తి ఆధిపత్యం కలిగి ఉంది. ఇరు జట్లు 21సార్లు తలపడగా.. కేకేఆర్‌ 14, ఆరెంజ్‌ ఆర్మీ 7 మ్యాచ్‌ల్లో విజయాలు నమోదు చేశాయి.