ఇంగ్లండ్‌తో తొలి టెస్ట్‌.. అఘా సల్మాన్‌ అజేయ శతకం.. పాక్‌ భారీ స్కోర్‌

మూడు మ్యాచ్‌ల టెస్ట్‌ సిరీస్‌లో భాగంగా ముల్తాన్‌ వేదికగా ఇంగ్లండ్‌తో జరుగుతున్న తొలి మ్యాచ్‌లో పాకిస్తాన్‌ భారీ స్కోర్‌ చేసింది. అబ్దుల్లా షఫీక్‌ (102), షాన్‌ మసూద్‌ (151), అఘా సల్మాన్‌ (104 నాటౌట్‌) సెంచరీలతో కదం తొక్కడంతో ఆ జట్టు తొలి ఇన్నింగ్స్‌లో 556 పరుగులకు ఆలౌటైంది. 

సౌద్‌ షకీల్‌ (82) సెంచరీ చేసే అవకాశాన్ని చేజార్చుకోగా.. సైమ్‌ అయూబ్‌ 4, బాబర్‌ ఆజమ్‌ 30, నసీం షా 33, మొమహ్మద్‌ రిజ్వాన్‌ 0, ఆమెర్‌ జమాల్‌ 7, షాహీన్‌ అఫ్రిది 26, అబ్రార్‌ అహ్మద్‌ 3 పరుగులు చేసి ఔటయ్యారు. 

ఇంగ్లండ్‌ బౌలర్లలో జాక్‌ లీచ్‌ మూడు వికెట్లు పడగొట్టగా.. గస్‌ అట్కిన్సన్‌, బ్రైడన్‌ కార్స్‌ చెరో రెండు.. క్రిస్‌ వోక్స్‌, షోయబ్‌ బషీర్‌, జో రూట్‌ తలో వికెట్‌ పడగొట్టారు. 

రెండో రోజు మూడో సెషన్‌లో తొలి ఇన్నింగ్స్‌ ప్రారంభించిన ఇంగ్లండ్‌ ఆదిలోనే కెప్టెన్‌ ఓలీ పోప్‌ వికెట్‌ను కోల్పోయింది. పోప్‌ ఖాతా తెరవకుండానే నసీం షా బౌలింగ్‌లో ఆమెర్‌ జమాల్‌కు క్యాచ్‌ ఇచ్చి ఔటయ్యాడు. 1.3 ఓవర్ల అనంతరం ఇంగ్లండ్‌ స్కోర్‌ 7/1గా ఉంది. జాక్‌ క్రాలే (4), జో రూట్‌ (3) క్రీజ్‌లో ఉన్నారు. 

చదవండి: Ind vs Aus: టీమిండియాతో టెస్టులు.. ఆస్ట్రేలియాకు భారీ షాక్‌