పంజాబ్‌ ఎఫ్‌సీ బోణీ

కొచ్చి: ఇండియన్‌ సూపర్‌ లీగ్‌ (ఐఎస్‌ఎల్‌)లో పంజాబ్‌ ఫుట్‌బాల్‌ క్లబ్‌ (ఎఫ్‌సీ) జట్టు శుభారంభం చేసింది. కేరళ బ్లాస్టర్స్‌ ఎఫ్‌సీతో ఆదివారం జరిగిన లీగ్‌ మ్యాచ్‌లో పంజాబ్‌ ఎఫ్‌సీ 2–1 గోల్స్‌ తేడాతో గెలిచింది. ఈ మ్యాచ్‌లో చివరి పది నిమిషాల్లో మూడు గోల్స్‌ కావడం విశేషం. పంజాబ్‌ తరఫున 86వ నిమిషంలో లుకా మాజ్‌సెన్‌ పెనాల్టీ కిక్‌ను గోల్‌గా మలిచాడు.

ఇంజ్యూరీ సమయంలోని 90+2వ నిమిషంలో జిమెనెజ్‌ గోల్‌తో కేరళ జట్టు స్కోరును 1–1తో సమం చేసింది. 90+5వ నిమిషంలో ఫిలిప్‌ మిర్జాక్‌ గోల్‌తో పంజాబ్‌ అనూహ్య విజయాన్ని దక్కించుకుంది. నేడు జరిగే మ్యాచ్‌లో మొహమ్మదాన్‌ స్పోరి్టంగ్‌ క్లబ్‌తో నార్త్‌ ఈస్ట్‌ యునైటెడ్‌ ఎఫ్‌సీ జట్టు తలపడుతుంది.