TV
అంతర్జాతీయ వన్డేల్లో టీమిండియా యువ ఓపెనర్‌ శుబ్‌మన్‌ గిల్ అరుదైన ఘనత సాధించాడు. వన్డేల్లో అత్యంత వేగంగా 2000 పరుగుల మార్క్‌ను అందుకున్న బ్యాటర్‌గా గిల్ రికార్డులకెక్కాడు. వన్డే ప్రపంచకప్‌-2023లో భాగంగా ధర్మశాల వేదికగా న్యూజిలాండ్‌తో జరిగిన మ్యాచ్‌లో గిల్ ఈ ఘనత సాధించాడు. 14 పరుగుల వద్ద గిల్ ఈ మైలు రాయిని అందుకున్నాడు.
కాగా గిల్ కేవలం 38 ఇన్నింగ్స్లలోనే 2 వేల పరుగులు సాధించాడు. ఇప్పటివరకు ఈ రికార్డు దక్షిణాఫ్రికా బ్యాటింగ్ దిగ్గజం హషీమ్ ఆమ్లా పేరిట ఉంది. ఆమ్లా 40 ఇన్నింగ్స్ లలో 2,000 పరుగులు చేశాడు. 2011 జనవరి 11న పోర్ట్ ఎలిజబెత్‌లో భారత్‌తో జరిగిన మ్యాచ్‌లో హషీమ్ ఆమ్లా ఈ ఫీట్‌ సాధించాడు. తాజా మ్యాచ్‌తో ఆమ్లా 12 ఏళ్ల రికార్డును గిల్ బ్రేక్‌ చేశాడు. ఇప్పటివరకు అంతర్జాతీయ 38 వన్డేలు ఆడిన గిల్ 2012 పరుగులు సాధించాడు.
Comments
Please login to add a commentAdd a comment