అన్‌డాకింగ్‌ ప్రక్రియ విజయవంతం

అన్‌డాకింగ్‌ ప్రక్రియ విజయవంతం

సూళ్లూరుపేట: డాకింగ్‌ టెక్నాలజీని సముపార్జన కోసం ఇస్రో చేసిన అన్ని పరీక్షలను విజయవంతం చేశారు. గురువారం 9.20 గంటలకు స్పేడెక్స్‌ ఉపగ్రహాలను విడదీసే అన్‌డాకింగ్‌ ప్రక్రియను విజయవంతంగా నిర్వహించారు. డిసెంబర్‌ 30న పీఎస్‌ఎల్‌వీ సీ60 రాకెట్‌ ద్వారా స్పేడెక్స్‌ ఉపగ్రహాలను విజయవంతంగా ప్రయోగించారు. జనవరి 16న సేడెక్స్‌లోని ఛేజర్‌, టార్గెట్‌ ఉపగ్రహాలను మాస్టర్‌ కంట్రోల్‌ సెంటర్‌ శాస్త్రవేత్తలు తమ అదుపులోకి తీసుకుని నియంత్రిస్తూ ఒకదానితో ఒకటి అనుసంధానం చేశారు. గురువారం 9.20 గంటలకు డాకింగ్‌లో ఉన్న రెండు ఉపగ్రహాలను విడదీసి అన్‌ డాకింగ్‌ ప్రక్రియను విజయవంతంగా నిర్వహించారు. ఈ ప్రక్రియ ఇస్రోకి ఒక చరిత్రాత్మక క్షణంగా, అలాగే డాకింగ్‌ టెక్నాలజీని అందుకోవడం కూడా ఇస్రో చరిత్రలో ఒక మైలు రాయిగా ఇస్రో శాస్త్రవేత్తలు పేర్కొంటున్నారు. డాకింగ్‌ టెక్నాలజీని సముపార్జించుకోవడం ప్రపంచంలో నాలుగవ దేశంగా భారత్‌ పేరు ప్రఖ్యాతులు పొందిన విషయం తెలిసిందే.