కొమ్మాల ఆదాయం రూ. 49.11 లక్షలు

కొమ్మాల ఆదాయం రూ. 49.11 లక్షలు

గీసుకొండ: మండలంలోని కొమ్మాల లక్ష్మీనర్సింహస్వామి జాతర ఆదాయం ఈ ఏడాది రూ.49,11,096 వచ్చిందని ఈఓ అద్దంకి నాగేశ్వర్‌రావు తెలిపారు. హుండీల్లోని కానుకలను మంగళవారం ఆలయం వద్ద లెక్కించిన అనంతరం ఆయన వివరాలను వెల్లడించారు. ఈ ఏడాది మార్చి 1 నుంచి 25వ తేదీ వరకు ఈ ఆదాయం సమకూరిందన్నారు. గత ఏడాది జాతర సందర్భంగా 31 రోజుల్లో రూ.27.45 లక్షల ఆదాయం సమకూరిందని తెలిపారు. ఈ ఏడాది హుండీల ద్వారా రూ. 20.48 లక్షలు ఆదాయం రాగా.. గత ఏడాది రూ.7.24 లక్షలు వచ్చిందన్నారు. వేలం, వివిధ రకాల టికెట్ల ద్వారా ఈ ఏడాది రూ.28.62 లక్షలు సమకూరితే గత ఏడాది రూ.20.20 లక్షలు సమకూరిందని వివరించారు. అధికారులు, అర్చకులు, సిబ్బంది సహకారంతో జాతర విజయవంతమైందన్నారు. లెక్కింపు కార్యక్రమంలో దేవాదాయశాఖ సహాయ కమిషనర్‌ కార్యాలయం నుంచి పరిశీలకుడిగా అనిల్‌కుమార్‌, వ్యవస్థాపక ధర్మకర్త చక్రవర్తు ల శ్రీనివాసాచార్యులు, అర్చకులు రామాచార్యులు, ఉత్సవ కమిటీ సభ్యులు కడారి రాజు బృందం, పోలీసు సిబ్బంది పాల్గొన్నారు. మహబూబాబాద్‌ శ్రీలక్ష్మీ వెంకటేశ్వర సేవా సమితి సభ్యులు కానుకలను లెక్కించారు.

గత జాతరతో పోలిస్తే

రూ. 21.66 లక్షల అధిక ఆదాయం