వైద్య విద్యార్థినుల హాస్టల్‌ టవర్‌ ప్రారంభం

వైద్య విద్యార్థినుల హాస్టల్‌ టవర్‌ ప్రారంభం

బీబీనగర్‌ : వైద్య విద్యార్థినుల వసతి కోసం ఎయిమ్స్‌ ఆవరణలో 20 అంతస్తుల్లో నిర్మించిన టవర్‌ను గురువారం ఎయిమ్స్‌ డైరెక్టర్‌ వికాస్‌ భాటియా ప్రారంభించారు. ఈ సందర్భంగా ఆయన మాట్లాడుతూ ఇబ్బందులు తలెత్తకుండా అధునాతన సౌకర్యాలతో టవర్‌ నిర్మించినట్లు తెలిపారు. 496 మంది విద్యార్థినులు ఉండేందుకు వీలుగా, హెచ్‌ఐటీఈఎస్‌ సంస్థ ద్వారా భవనాలు నిర్మించినట్లు చెప్పారు. బాలుర హాస్టల్‌, ఫ్యాకల్టీ క్వార్టర్స్‌, అకడమిక్‌ బ్లాక్‌, నర్సులు, ఇంటర్నేషనల్‌ స్కాలర్ల వసతికోసం చేపట్టిన భవనాలు నిర్మాణంలో ఉన్నాయని, త్వరలోనే పనులు పూర్తి కానున్నట్లు తెలిపారు.