10న అప్రెంటిస్‌షిప్‌ మేళా

నల్లగొండ: ప్రభుత్వ, ప్రైవేట్‌ ఐటీఐలలో ఉత్తీర్ణులైన అన్ని ట్రేడ్ల అభ్యర్థులకు ఈ నెల 10న నల్లగొండలోని ప్రభుత్వ ఐటీఐ (పాత) కళాశాలలో అప్రెంటిస్‌షిప్‌ చేసేందుకు ప్రధాన మంత్రి జాతీయ అప్రెంటిస్‌షిప్‌ మేళా నిర్వహించనున్నట్లు కళాశాల ప్రిన్సిపాల్‌ ఎ.నర్సింహాచారి తెలిపారు. అభ్యర్థులు బయోడేటా, విద్యార్హత ధ్రువీకరణ పత్రాలతో హాజరు కావాలని కోరారు.

కోర్టు ఉద్యోగాలకు

దరఖాస్తుల ఆహ్వానం

రామగిరి(నల్లగొండ): నల్లగొండ జిల్లా కోర్టులో న్యాయ సేవాధికార సంస్థలో ఉద్యోగాల భర్తీకి సంస్థ చైర్మన్‌ ఎం.నాగరాజు గురువారం నోటిఫికేషన్‌ జారీ చేశారు. ఖాళీగా ఉన్న టైపిస్ట్‌/అసిస్టెంట్‌(2) పోస్టులకు మార్చి 7 నుంచి 20వ తేదీలోగా దరఖాస్తు చేసుకోవాలని పేర్కొన్నారు.