కాంగ్రెస్‌ పరిస్థితిని చూస్తే జాలేస్తోంది..

ఛలో అసెంబ్లీ కార్యక్రమాన్ని కాంగ్రెస్‌ నేతలు ఉపసంహరించుకోవాలని శాసనసభ వ్యవహారాల శాఖ మంత్రి హరీశ్‌ రావు డిమాండ్‌ చేశారు. ఆయన బుధవారం టీఆర్‌ఎస్‌ఎల్పీ కార్యాలయంలో మీడియా సమావేశంలో మాట్లాడుతూ.. అసెంబ్లీ సమావేశాలు ప్రారంభం అయిన తొలిరోజే నిరసన కార్యక్రమాలు చేపట్టడం సరికాదన్నారు. ఆ రోజు ఏం జరిగినా కాంగ్రెస్‌ నేతలే బాధ్యత వహించాలని హరీశ్‌ రావు అన్నారు. కాంగ్రెస్‌ పరిస్థితిని చూస్తే జాలేస్తోందని, సీఎల్పీ నేత జానారెడ్డి ఈ విషయంలో ఆత్మపరిశీలన చేసుకోవాలని అన్నారు. ప్రభుత్వం ఏం అంశంపైన అయినా చర్చకు సిద్ధంగా ఉందన్నారు.