వింగ్‌ కమాండర్‌ అంటూ రోహిత్‌పై ప్రశంసలు

పాకిస్థాన్‌ బౌలర్లను చీల్చిచెండాడుతూ రోహిత్‌ శర్మ అద్భుతమైన సెంచరీ చేశాడు. ఓపెనర్‌గా బరిలోకి దిగిన రోహిత్‌ మంచి సమన్వయంతో పరిణతితో కూడిన ఆటతీరు ప్రదర్శిస్తూ.. దాయాది బౌలర్లను దీటుగా ఎదుర్కొన్నాడు. ప్రపంచకప్‌లో తీవ్ర ఉత్కంఠ రేపిన దాయాదితో మ్యాచ్‌లో 14 ఫోర్లు, 3 సిక్స్‌లు బాది.. 140 పరుగులు చేసిన హిట్‌మ్యాన్‌.. టీమిండియా స్కోరును పరుగులు పెట్టించాడు. దీంతో సోషల్‌ మీడియాలో రోహిత్‌ శర్మపై ప్రశంసల వర్షం కురుస్తోంది.