హీరో వెంకటేశ్‌తో పాటు మీనాక్షీ చౌదరి, ఐశ్వర్యా రాజేష్‌ లీడ్‌ రోల్స్‌లో నటించిన ‘సంక్రాంతికి వస్తున్నాం’ సినిమా బ్లాక్‌ బస్టర్‌గా నిలిచింది. అయితే, ఈ మూవీకి భారీ బజ్‌ క్రియేట్‌ చేసిన ఒక సాంగ్‌ ఇప్పటికీ నెట్టింట వైరల్‌ అవుతూనే ఉంది. ‘దిల్‌’ రాజు సమర్పణలో శిరీష్‌ నిర్మించి ఈ చిత్రం జనవరి 14న విడుదలైంది. బాక్సాఫీస్‌ వద్ద సుమారు రూ. 310 కోట్లకు పైగానే రాబట్టింది. వెంకీ కెరీర్‌లోనే బిగ్గెస్ట్‌ హిట్‌గా నిలిచింది. ఇప్పటికే ఈ చిత్రం 92 కేంద్రాల్లో 50రోజులు పూర్తి చేసుకుంది.అయితే, సంక్రాంతికి వస్తున్నాం చిత్రంలోని ‘గోదారి గట్టు మీద రామచిలకవే... గోరింటాకెట్టుకున్న చందమామవే..!’ అంటూ సాగే ఆ పాట సినిమాకు ప్రధాన బలమైంది. ఇప్పటి వరకు ఈ లిరికల్‌ వీడియో సాంగ్‌ 200 మిలియన్ల వ్యూస్‌ సాధించి రికార్డ్‌ క్రియేట్‌ చేసింది. టాలీవుడ్‌లో తక్కువ సమయంలోనే ఈ మార్క్‌ అందుకున్న పాటగా రికార్డ్‌ క్రియేట్‌ చేసింది. గతంలో కేవలం మూడు వారాల్లోనే 50 మిలియన్ల వ్యూస్‌ సాధించి రికార్డ్‌ క్రియేట్‌ చేసిన విషయం తెలిసిందే. ఈ సాంగ్‌కు భాస్కరభట్ల సాహిత్యం అందించగా.. సుమారు 18 ఏళ్ల తర్వాత రమణగోగుల ఆలపించడం విశేషం. ఫిమేల్‌ లిరిక్స్‌ను మధుప్రియ కూడా చాలా అద్భుతంగా పాడింది. భీమ్స్‌ సిసిరోలియో సంగీతం అందించారు.అనిల్‌ రావిపూడి దర్శకత్వంలో తెరకెక్కిన సంక్రాంతికి వస్తున్నాం చిత్రాన్ని శ్రీ వెంకటేశ్వర క్రియేషన్స్ బ్యానర్‌లో దిల్‌ రాజు ఈ చిత్రాన్ని నిర్మించారు. అయితే, తాజాగా ఓటీటీలో ఈ మూవీ స్ట్రీమింగ్‌ అవుతుంది. థియేటర్‌లో 2 గంటలా 24 నిమిషాలు ప్రదర్శితమవగా.. జీ5లో కేవలం 2 గంటలా 16 నిమిషాల నిడివితో సినిమాను ఉంచారు. దాదాపు ఎనిమిది నిమిషాల సీన్స్ తొలగించారు.

ఆమని, వికాస్ వశిష్ఠ, మౌనిక రెడ్డి, ప్రగతి, సునయన, కేదార్ శంకర్, ప్రమోదినీ కీలక పాత్రల్లో నటించిన సినిమా "నారి". మహిళల్ని గౌరవించాలి, ఆడిపిల్లలు అన్ని రంగాల్లో ఎదిగేందుకు సహకరించాలి.. ఇప్పుడున్న సామాజిక పరిస్థితుల్లో 13-20 ఏళ్ల పిల్లలు ప్రమాదంలో ఉన్నారనే విషయాన్ని చెబుతూ దర్శకుడు సూర్య వంటిపల్లి ఈ చిత్రాన్ని రూపొందించారు. శ్రీమతి శశి వంటిపల్లి నిర్మించారు. "నారి" సినిమా (Naari: The Women) మహిళా దినోత్సవం సందర్భంగా మార్చి 7న విడుదల కానుంది. బుధవారం (ఫిబ్రవరి 26న) మహా శివరాత్రి పర్వదినం సందర్భంగా ఈ సినిమా నుంచి 'గుండెలోన ఏదో గట్టి సప్పుడైనదే' పాట (Na Gunde Lona Song)ను రిలీజ్ చేశారు. వికాస్ వశిష్ఠ, మౌనిక రెడ్డిపై ఈ పాటను చిత్రీకరించారు. రీసెంట్‌గాగా సంక్రాంతికి వస్తున్నాం సినిమాలోని గోదారి గట్టు మీద.. పాటతో సెన్సేషన్ సృష్టించిన రమణ గోగుల 'గుండెలోన ఏదో గట్టి సప్పుడైనదే' పాటను పాడటం విశేషం. వినోద్ కుమార్ విన్ను ఈ పాటను బ్యూటిఫుల్‌గా కంపోజ్ చేశారు. మహిళా సాధికారత గొప్పదనం చెప్పే కథాంశంతో తెరకెక్కుతున్న "నారి" సినిమా నుంచి ఇప్పటిదాకా రిలీజ్ చేసిన 'ఈడు మగాడేంట్రా బుజ్జి..', 'నిశిలో శశిలా..' సాంగ్స్ మంచి స్పందన తెచ్చుకున్నాయి. 'గుండెలోన ఏదో గట్టి సప్పుడైనదే' పాట కూడా అందర్నీ అలరించనుంది. ఆర్పీ పట్నాయక్, సునీత, చిన్మయి శ్రీపాద వంటి పేరున్న గాయనీ గాయకులు "నారి" చిత్రంలోని సాంగ్స్ పాడారు. చదవండి:

హీరో వెంకటేశ్ సంక్రాంతి రేసులో విన్నర్‌గా నిలిచారు. మీనాక్షీ చౌదరి, ఐశ్వర్యా రాజేష్‌ లీడ్‌ రోల్స్‌లో నటించిన ‘సంక్రాంతికి వస్తున్నాం’ సినిమా బ్లాక్‌ బస్టర్‌గా నిలిచింది. అయితే, ఈ మూవీకి భారీ బజ్‌ క్రియేట్‌ చేసిన ఒక సాంగ్‌ ఇప్పుడు వీడియో వర్షన్‌ను విడుదల చేశారు. ‘దిల్‌’ రాజు సమర్పణలో శిరీష్‌ నిర్మించి ఈ చిత్రం జనవరి 14న విడుదలైంది. దర్శకుడు అనిల్‌ రావిపూడి ప్రమోషనల్‌ విషయంలో చేసిన మ్యాజిక్‌తో ఈ చిత్రం ప్రేక్షకులకు చేరువైంది. దీంతో బాక్సాఫీస్‌ వద్ద సుమారు రూ. 310 కోట్లకు పైగానే రాబట్టింది. వెంకీ కెరీర్‌లోనే బిగ్గెస్ట్‌ హిట్‌గా నిలిచింది.‘గోదారి గట్టు మీద రామచిలకవే... గోరింటాకెట్టుకున్న చందమామవే..!’ అంటూ సాగే ఆ పాట సినిమాకు ప్రధాన బలమైంది. ఈ సాంగ్‌కు భాస్కరభట్ల సాహిత్యం అందించగా.. సుమారు 18 ఏళ్ల తర్వాత రమణగోగుల ఆలపించడం విశేషం. ఫిమేల్‌ లిరిక్స్‌ను మధుప్రియ కూడా చాలా అద్భుతంగా పాడింది. భీమ్స్‌ సిసిరోలియో సంగీతం అందించారు. ఈ పాట ఎంత పెద్ద హిట్‌ అయిందో అందరికీ తెలిసిందే. ఆడియో లిరిక్స్‌ ఇప్పటి వరకు 170 మిలియన్ల మార్క్‌ను దాటింది. థియేటర్స్‌లో ఈ పాటకు ప్రేక్షకులు లేచి మరీ చిందులు వేశారు. ఇప్పటికే యూట్యూబ్‌, ఇన్‌స్టా రీల్స్‌ను ఓ ఊపు ఊపేసిన ఈ పాటను చాలా మంది రీక్రియేట్‌ కూడా చేశారు. ఇప్పుడు పూర్తి వీడియో సాంగ్‌ను మీరూ చూసేయండి.

సింగర్ రమణ గోగుల పేరు చెప్పగానే.. చాలా ఏళ్ల క్రితం తెలుగులోని అద్భుతమైన పాటలే గుర్తొస్తాయి. సింగర్ కమ్ మ్యూజిక్ డైరెక్టర్‌గా తమ్ముడు, ప్రేమంటే ఇదేరా, బద్రి, జానీ, లక్ష‍్మీ, యోగి మూవీస్‌కి అదిరిపోయే సంగీతమందించారు. 2013 తర్వాత పూర్తిగా ఇండస్ట్రీకి దూరమైపోయిన ఈయన.. అమెరికాలో జాబ్ చేసుకుంటూ ఉండిపోయారు. మళ్లీ ఇన్నేళ్ల తర్వాత వెంకటేశ్ 'సంక్రాంతి వస్తున్నాం' మూవీలో 'గోదారి గట్టు మీద' పాటతో బ్లాక్ బస్టర్ రీఎంట్రీ ఇచ్చారు.(ఇదీ చదవండి: ఈ వారం ఓటీటీల్లో 22 సినిమాలు రిలీజ్)ఈ క్రమంలోనే రమణ గోగుల పేరు తెలుగు ఇండస్ట్రీలో మరోసారి మార్మోగిపోతోంది. తాజాగా ఈయన ఓ యూట్యూబ్ ఛానెల్‌కి ఇంటర్వ్యూ ఇచ్చారు. తన కెరీర్, వ్యక్తిగత విషయాలు, ఇండస్ట్రీకి దూరమవడం లాంటి చాలా విషయాలు మాట్లాడారు. ఇవన్నీ పక్కనబెడితే తనది ఒరిజినల్ గుండు కాదని, ఎప్పటికప్పుడు జుత్తుని గీసేస్తున్నానని చెప్పడం మాత్రం షాకింగ్‌గా అనిపించింది. అలా చేయడానికి గల కారణాన్ని కూడా బయటపెట్టారు.''జానీ' మూవీ చేస్తున్న టైంలో నా భార్య ప్రెగ్నెంట్. డాక్టర్స్ ఏమో డెలివరీ కష్టం అన్నారు. దాని గురించే ఆలోచిస్తూ ఆఫీస్‌లో డల్‍‌గా ఉంటే.. మా కీ బోర్డ్ ప్లేయర్ ఒకతను ఏంటి సార్ అలా ఉన్నారని నన్ను అడిగాడు. విషయమంతా చెప్పా. మీరేం ఆలోచించకుండా తిరుపతి వెళ్లి రండి సార్, అంతా సెట్ అయిపోద్ది అని చెప్పాడు. సరే అని వెళ్లి అక్కడే జుత్తుంతా దేవుడికి ఇచ్చేసి వచ్చా. తర్వాత నా భార్యకు నార్మల్ డెలివరీ అయింది. అప్పుడే డిసైడ్ అయ్యా. ఇక జీవితంలో నా జుత్తుని పెంచుకోకూడదని' అని రమణ గోగుల చెప్పారు.(ఇదీ చదవండి: చిరంజీవి ఫ్యాన్స్ నన్ను తిట్టుకున్నా పర్లేదు: నాగవంశీ)

టాలీవుడ్‌ ప్రముఖ హీరో వెంకటేశ్ ఈసారి సంక్రాంతి రేసులో ఉన్నారు. మీనాక్షీ చౌదరి, ఐశ్వర్యా రాజేష్‌ లీడ్‌ రోల్స్‌లో నటిస్తున్న సినిమా పేరు ‘సంక్రాంతికి వస్తున్నాం’. ‘దిల్‌’ రాజు సమర్పణలో శిరీష్‌ నిర్మిస్తున్న ఈ చిత్రం జనవరి 14న విడుదల కానుంది. అయితే, తాజాగా ఈ సినిమా నుంచి ఒక సాంగ్‌ను మేకర్స్‌ విడుదల చేశారు. ఈ చిత్రాన్ని అనిల్‌ రావిపూడి తెరకెక్కిస్తున్నారు.‘గోదారి గట్టు మీద రామచిలకవే... గోరింటాకెట్టుకున్న చందమామవే..!’ అంటూ సాగే ఈ సాంగ్‌కు భాస్కరభట్ల సాహిత్యం అందించారు. సుమారు 18 ఏళ్ల తర్వాత రమణగోగుల ఈ పాటను ఆలపించడం విశేషం. ఫిమేల్‌ లిరిక్స్‌ను మధుప్రియ కూడా చాలా అద్భుతంగా పాడింది. భీమ్స్‌ సిసిరోలియో సంగీతం అందించారు. 2025 సంక్రాంతికి కానుకగా జనవరి 14న ఈ సినిమా విడుదల కానుంది.

హీరో వెంకటేశ్, సంగీత దర్శకుడు రమణ గోగుల కాంబినేషన్‌ 18 ఏళ్ల తర్వాత మళ్లీ కుదిరింది. వెంకటేశ్‌ బ్లాక్‌బస్టర్‌ మూవీ ‘లక్ష్మి’కి సంగీతం అందించిన రమణ గోగుల ‘సంక్రాంతికి వస్తున్నాం’ సినిమా ఫస్ట్‌ సింగిల్‌కి తన వాయిస్‌ని అందించారు. ‘ఎఫ్‌ 2, ఎఫ్‌ 3’ వంటి చిత్రాల తర్వాత హీరో వెంకటేశ్, డైరెక్టర్‌ అనిల్‌ రావిపూడి కాంబినేషన్‌లో రూపొందుతోన్న చిత్రం ‘సంక్రాంతికి వస్తున్నాం’. మీనాక్షీ చౌదరి, ఐశ్వర్యా రాజేష్‌ హీరోయిన్లుగా నటిస్తున్నారు. ‘దిల్‌’ రాజు సమర్పణలో శ్రీ వెంకటేశ్వర క్రియేషన్స్పై శిరీష్‌ నిర్మిస్తున్నారు. భీమ్స్‌ సిసిరోలియో సంగీతం అందించిన ఈ చిత్రం నుంచి ‘గోదారి గట్టుమీద...’ అంటూ సాగే తొలి పాట త్వరలో రిలీజ్‌ కానుంది. ‘‘ఈ పాటకి భాస్కరభట్ల సాహిత్యం అందించారు. రెగ్యులర్‌ ప్లేబ్యాక్‌ సింగర్‌తో కాకుండా పెక్యులియర్‌ వాయిస్‌తో ఈ పాట పాడించాలని అనిల్‌ రావిపూడి చెప్పారు. దీంతో రమణ గోగులతో పాడించాం. ఆయన ప్రత్యేకమైన వాయిస్‌తో పాడిన ఈ సాంగ్‌ మూవీకి ఎక్స్‌ట్రా మ్యాజిక్‌ యాడ్‌ చేయడం ఖాయం. త్వరలో ఈ పాటను విడుదల చేస్తాం’’ అని చిత్రయూనిట్‌ పేర్కొంది. రాజేంద్ర ప్రసాద్, సాయికుమార్, వీకే నరేశ్‌ వంటి వారు కీలక పాత్రల్లో నటిస్తున్న ఈ సినిమాకి కెమెరా: సమీర్‌ రెడ్డి.

సాక్షి, సిటీబ్యూరో, హైదరాబాద్‌: రమణ గోగుల.. ఈ పేరు చెబితే టాలీవుడ్‌లో ప్రముఖ సంగీత దర్శకుడిగా, గాయకుడిగానే తెలుగువారికి పరిచయం. కానీ ఆయన అంతకుముందే వ్యాపారవేత్త.. సామాజిక పారిశ్రామికవేత్త. ఎన్నో స్టార్టప్‌ కంపెనీలను ప్రారంభించడమేగాక విజయవంతంగా నడిపించారు. అంతేగాక వందలాది గ్రామాలకు సోలార్‌ ఎల్‌ఈడీ కాంతులు అందించారు. ప్రస్తుతం అంతర్జాతీయ సంస్థ స్టాన్లీ బ్లాక్‌ అండ్‌ డెక్కర్‌కు చెందిన క్లీన్‌ టెక్నాలజీ విభాగం ఉపాధ్యక్షుడిగా పనిచేస్తున్నారు. ఈ సంస్థ ద్వారా సౌరశక్తి ద్వారా రైతులుకు విస్తృత సేవలు అందించేందుకు కృషి చేస్తున్నారు. ఈనెల 28న హైదరాబాద్‌లో జరిగే ప్రపంచ పారిశ్రమికవేత్తల సదస్సులో రమణ సౌరశక్తి సాంకేతిక సాధనాల రూపకల్పనతో రైతులకు ఎలా తోడ్పడవచ్చనే అంశంపై రమణ మాట్లాడబోతున్నారు. ఈ సందర్భంగా తన మనసులో మాటలను శనివారం ‘సాక్షి’తో పంచుకున్నారు.    భవిష్యత్తు సోలార్‌ పవర్‌దే..   ప్రపంచ భవిష్యత్తు సౌరశక్తి మీదే ఆధారపడి ఉంది. ఆదే ‘క్లీన్‌ ఎనర్జీ’. దీని వల్ల కాలుష్యం ఉండదు.. ఏ నష్టం కలుగదు. ప్రపంచంలో ఎక్కడి నుంచైనా ఈ శక్తిని గ్రహించవచ్చు. భవిష్యత్తులో వాహనాలు కూడా సోలార్‌ శక్తితోనే నడుస్తాయి. సోలార్‌ శక్తి మూలం అయితే దానిని వాడుకునే రకరకాల అప్లికేషన్స్‌ తయారవతాయి. చాలా స్టార్టప్స్‌ వీటిపై పనిచేస్తున్నాయి. సౌర శక్తితో రైతులకు ఉపయోగపడే అనేక సాధనాలు రూపొందిచాలనేది మా లక్ష్యం. మేఘాలు, నేల, లిఫ్ట్‌ ఇరిగేషన్, స్టోరేజ్‌.. ఇలా అన్నింట్లో సాంకేతిక పరిజ్ఞానం జోడించి రైతులుకు ఉపయోగపడే అప్లికేషన్లు తయారు చేసేందుకు కృషి చేస్తున్నాం. క్లీన్‌ టెక్నాలజీ ద్వారా సోలార్‌ అగ్రికల్చర్‌ పంప్స్‌ని అందించే ప్రయత్నం చేస్తున్నాం.     రైతులకు అండగా..   వ్యవసాయాన్ని లాభసాటిగా మార్చేందుకు, రైతుల పంటకు గిట్టుబాటు ధర వచ్చేలా ప్రత్యేక వ్యవస్థను రూపొందించాం. ఇందుకు టీ–హబ్‌తో ఒప్పందం చేసుకుంటున్నాం. దేశవ్యాప్తంగా ఉన్న స్టార్టప్‌ కంపెనీలతో కూడా పనిచేసేందుకు ప్రణాళికను సిద్ధం చేస్తున్నాం.     వ్యాపార రంగంలో మహిళలు.. నేడు దేశమంతా స్టార్టప్స్‌పైనే దృష్టి పెట్టింది. అందునా మహిళా పారిశ్రామిక వేత్తలపై ప్రముఖంగా దృష్టి సారిస్తున్నారు. మన ప్రభుత్వాలు దేశ, విదేశాల్లో çమహిళా పారిశ్రామిక వేత్తలకు సహకారం అందించడం శుభ పరిణామం. స్త్రీ సాధికరత కుటుంబం నుంచి ప్రారంభమవుతుంది. మహిళలు వారు ఏం చేయాలనుకుంటున్నారో ఆ అంశంలో కుటుంబం తోడ్పడాలి. చాలా కుటుంబాలు ప్రోత్సహిస్తున్నాయి కూడా. సాంకేతిక, సామాజిక రంగాల్లో మహిళా పారిశ్రామిక వేత్తలు వస్తున్నారు. అయితే వీరి సంఖ్య ఇంకా పెరగాలన్నది నా అభిప్రాయం. ప్రపంచంలో విజయవంతమైన వ్యక్తుల జాబితాలో అంతర్జాతీయ కంపెనీల చీఫ్‌ ఆఫీసర్లు, గ్లోబల్‌ ప్రాతినిధ్యం వహిస్తున్న లీడర్లలో స్త్రీలే కనిపిస్తున్నారు. ఇప్పుడు చాలా రంగాలను స్త్రీలు ముందుండి నడిపే ట్రెండ్‌ కొనసాగుతోంది. అది అన్ని రంగాలకు విస్తరించాలి. వారి ప్రాతినిధ్యం, ప్రాముఖ్యత పెరినప్పుడే దేశ సంపద పెరిగుతుంది.     హైదరాబాద్‌ వైబ్రెంట్‌ సిటీ.. మన నగరం ఎన్నో అంశాల్లో ప్రగతి సాధిస్తోంది. సామాజిక పరిశ్రమలు, టెక్నికల్, ఇన్నోవేటివ్‌.. ఇలా అనేక రంగాల్లో పారిశ్రామిక వేత్తలను ఇక్కడ ప్రభుత్వం ప్రోత్సహిస్తోంది. హైదరాబాద్‌లో ప్రపంచ పారిశ్రామిక సమ్మిట్‌ జరగడం మనకు గర్వకారణం.   నేను ఎప్పడూ టెక్నాలజిస్ట్‌నే.. ఐఐటీ ఖరగ్‌పూర్‌ నుంచి సాలోర్‌ ఎనర్జీలోను, అమెరికాలోని లూసియానా యూనివర్సిటీలో కంప్యూటర్‌ సైన్స్‌లో మాస్టర్స్‌ చేశాను. నేను ఎప్పడూ టెక్నాలజిస్ట్‌నే. ఈ విషయం సినిమా రంగం వారికి తెలియదు. నా రక్తంలో టెక్నాలజీ, నా మనసంతా మ్యూజిక్‌ అవి సమాంతరంగా సాగుతుంటాయి. ఒక సమయంలో సంగీతం అందించాను.. చాలా తృప్తిగా ఉంది. ఇప్పుడు నా జీవితం సామాజిక లక్ష్యాలు సాధించడానికి వెచ్చిస్తాను’ అంటూ ముగించారు.   


  జ్ఞాపకం
  
 వేసవి... పిల్లల హుషారుకు కొత్త రెక్కలు తొడుగుతుంది. వారిని ఊహల గుర్రం ఎక్కిస్తుంది. పెద్దవారినైనా మళ్లీ బాల్యంలోకి తీసుకెళుతుంది. జ్ఞాపకాల కొమ్మల్లో దాగిన మిఠాయి పొట్లాన్ని విప్పి తియ్యని కబుర్లెన్నో చెబుతుంది. సంగీత దర్శకుడు, గాయకుడు అయిన రమణ గోగుల వేసవి జ్ఞాపకాలలో దాగున్న తియ్యటి బాల్యంలోకి ఇలా ప్రయాణించారు.
  
  ‘‘ఇప్పటి పిల్లలకు వేసవి ఎలా ఉంటుందో కానీ ఎండాకాలం వస్తోందంటే చాలు నేటికీ చిన్నతనంలో నేను వెళ్లిన ఊరు, అక్కడ చేసిన అల్లరి, ఇంట్లోవారికి తెలియకుండా కొనుక్కున్న పులిబొంగరాలు, ఆడిన కోతికొమ్మచ్చి, క్రికెట్ ... అన్నీ ఒకదాని వెంట ఒకటి పోటీపడి గుర్తుకొచ్చేస్తాయి. మాది విశాఖపట్టణం. నాన్నకు అక్కడే ఉద్యోగం. మా బాబాయి వాళ్లది నెల్లూరు జిల్లాలోని కావలి. పరీక్షలు అయిపోగానే ప్రతి వేసవికి కావలి వెళ్లిపోయేవాళ్లం.
 
 మా కోసం చిన్నమ్మ బోలెడు పిండివంటలు చేసి ఉంచేది. కొత్తబట్టలు కుట్టించి ఉంచేవారు. రోజూ మామిడిపండ్లు.. ఎంత తిన్నా ఇంకా తినాలపించే తియ్యటి రుచి వాటిది. సాయంత్రం ఐస్‌క్రీమ్ బండి దగ్గర ఐస్‌ప్రూట్ కొనాల్సిందే! కాసేపు ఆటలు. ఆ తర్వాత సోంపాపిడి. అటూ ఇటూ చూస్తే ఒక చిన్నగల్లీలో ఓ ముసలావిడ పులిబొంగరాలు చేసేది. వాటి రుచి ఇప్పుడు తలుచుకున్నా నోట్లో నీళ్లూరాల్సిందే! నోటికి ఖాళీ, కాళ్లకు అలసట ఉండేదే కాదు. అంత సంబరం వేసవి అంటే!!
 
 సినిమాకు వెళ్లేటప్పుడైతే పెద్ద పండగే! అప్పుడన్నీ సైకిల్ రిక్షాలు. రెండు, మూడు సైకిల్ రిక్షాల మీద అంతా కలిసి సినిమాకు వెళ్లేవాళ్లం. సెలవులు అయిపోయాక మళ్లీ వేసవి కోసం ఎదురుచూస్తూ విశాఖపట్టణం చేరేవాళ్లం.
  
 అప్పుడప్పుడు వేసవికి మా చిన్నమ్మ వాళ్ల కుటుంబం వచ్చేది. వస్తూ వస్తూ చిన్నమ్మ సున్నుండలు తెచ్చేది. రోజూ సాయంత్రం అందరం కలిసి బీచ్‌కి వెళ్లేవాళ్లం. మా ఇల్లు ఆంధ్రా యూనివర్శిటీకి దగ్గరి కాలనీలో ఉండేది. కాలనీలోనే పార్క్.. అందులో పేద్ద మామిడిచెట్టు. మా స్నేహితులతో కలిసి అక్కడే కోతికొమ్మచ్చి ఆటలు ఆడేవాళ్లం. మామిడికాయలు కోసి ఉప్పు-కారం పెట్టి తినేవాళ్లం. అక్కడ ఏర్పాటుచేసిన రేడియో నుంచి క్రికెట్ కామెంట్రీ వింటూ మేమూ క్రికెట్ ఆడేవాళ్లం.
 
 రాత్రి పూట మేడపైన కూర్చొని ఆకాశంలోకి చూస్తూ నక్షత్రాలు లెక్కపెట్టేవాళ్లం. బోలెడన్ని కథ లు చెప్పుకునేవాళ్లం. అప్పుడు ఎక్కువగా విషయాలు వినడం వల్ల ఎక్కువగా ఊహించుకోవడం ఉండేది. అదే నేను సృజనాత్మక రంగంలోకి అడుగుపెట్టడానికి దోహదపడింది. జీవితకాలంలో చిన్నప్పటి వేసవి సెలవుల ఆనందాన్ని లెక్కేస్తే అత్యంత స్వల్పం. కానీ అదే జీవితాంతం వెంట వచ్చే ఓ తీపి జ్ఞాపకం. సృజనకు అతి పెద్ద వేదిక వేసవి.’’
  


 అతడు: ఏమో ఎక్కడుందో కూసే కోయిల...
  నాతో ఏవిటందో ఊహించేదెలా
  ఎదలో ఊయల ఊగే సరిగమ
  ఏదో మాయలా అల్లే మధురిమ
  ఆమె: లలలా లాలలా లాలాలాలలా     (2)
  పల్లవి : అతడు: నాలో ఉన్న ప్రేమ నీతో చెప్పనా
  నీలో ఉన్న ప్రేమ నాతో చెప్పవా
  ఆమె: ఇప్పుడే కొత్తగా వింటున్నట్టుగా
  సరదా తీరగా ఊ... అంటానుగా
  అ: మనమే చూడగా ఎవరూ లేరుగా
  మనసే పాడగా అడ్డే లేదుగా
  
  చరణం : 1
  
  అ: ఇద్దరికీ ఒద్దిక కుదరగ ఇష్టసఖి వద్దని బెదరక
  ఆ: సిద్ధపడే పద్ధతి తెలియక
    తలొంచి తపించు తతంగమడగక    ॥ఉన్న॥
 
  చరణం : 2
 
  ఆ: రెప్పలలో నిప్పుల నిగనిగ నిద్దరనే పొమ్మని తరమగ
  అ: ఇప్పటికో ఆప్తుడు దొరకగ
    వయ్యారి వయస్సు తయారైందిగా    ॥ఉన్న॥
  
  పల్లవి :
  
  ఆమె: వయసా చూసుకో చెబుతా రాసుకో
    ఈడుకి తొలిపాఠం
  అతడు: సొగసా చేరుకో వరసే అందుకో
    నీకిది తొలిగీతం
  ఆ: ఆగనన్నది ఆశ ఎందుకో తెలుసా?
  అ: ఓ... ఊహకందని భాష నేర్చుకో మనసా
  ఆ: ఓ... సామిరారా ప్రేమంటే ఇదేరా!
  అ: నా సితార ప్రేమంటే ఇదేరా..!    ॥
  
  చరణం : 1
  
  ఆ: రేయిభారం రెట్టింపయ్యింది
    లేవయ్యారం నిట్టూరుస్తుంది
  అ: రాయబారం గుట్టే చెప్పంది
    హాయి బేరం గిట్టేలాగుంది
  ఆ: మాయలేని ప్రేమంటే ఇదేరా!
  అ: సాయమడిగే ప్రేమంటే ఇదేరా..!     ॥
  చరణం : 2 అ: తేనె మేఘం కాదా నీ దేహం
    వానరాగం కోరే నా దాహం
  ఆ: గాలివేగం చూపే నీమోహం
    తాకగానే పోదా సందేహం
  అ: ప్రాణముంది ప్రేమంటే ఇదేరా!
  ఆ: ప్రాయమంది ప్రేమంటే ఇదే...    ॥
  
  చిత్రం : ప్రేమంటే ఇదేరా (1998), రచన : సిరివెన్నెల
  సంగీతం : రమణగోగుల, గానం : ఎస్.పి.బాలు, కె.ఎస్.చిత్ర
  


 ‘‘శిశుపాలుడు వంద తప్పులు చేస్తే శ్రీకృష్ణుడు శిక్షిస్తాడు. ఈ అంశాన్ని ఆధారంగా చేసుకుని తయారు చేసిన కథ ఇది’’ అన్నారు మేర్లపాక గాంధీ. ఆనంది ఆర్ట్ క్రియేషన్స్ పతాకంపై సందీప్‌కిషన్ హీరోగా కిరణ్ నిర్మించిన చిత్రం ‘వెంకటాద్రి ఎక్స్‌ప్రెస్’. మేర్లపాక గాంధీ దర్శకత్వం వహించిన ఈ చిత్రం నేడు విడుదలవుతోంది. ఈ సందర్భంగా దర్శకుడు మాట్లాడుతూ -‘‘వంద తప్పులు చేస్తే కొడుకుని ఇంట్లోంచి పంపించడానికి రెడీగా ఉంటాడు ఓ తండ్రి. 99 తప్పులు చేసిన ఆ కొడుకు ఒక్క తప్పు చెయ్యకుండా ఉండటానికి ఏం చేశాడు? అనే కథతో ఈ చిత్రం సాగుతుంది.
  
 కిరణ్‌గారు ఈ కథ వెంటనే సినిమా చేద్దామన్నారు. ఛోటాగారు కూడా ఈ కథ విని బాగా ఎంజాయ్ చేశారు. ఈ కథలో ఎగ్జయిట్‌మెంట్ ఉంది కాబట్టే, వీరితో పాటు ఇతర చిత్రబృందానికి కూడా నచ్చిందని అనుకుంటున్నాను. నన్ను, కథను నమ్మి సందీప్ ఈ చిత్రం అంగీకరించాడు. రమణ గోగులగారు స్వరపరచిన పాటలు విజయం సాధించాయి. మూడు పాటలూ సందర్భానుసారంగా సాగుతాయి. కుటుంబసమేతంగా చూడదగ్గ చిత్రం ఇది’’ అన్నారు.
  


 ‘ఈరోజుల్లో’ ఫేం శ్రీ, నీలం ఉపాధ్యాయ, సునీత మార్షియా ప్రధాన పాత్రధారులుగా శ్రీనివాస్ బల్లా దర్శకత్వంలో రూపొందుతోన్న చిత్రం ‘తమాషా’. ఎం.విజయవర్దన్‌రావు, శివారెడ్డి నీలపు కలిసి నిర్మిస్తున్న ఈ చిత్రం హైదరాబాద్‌లో మొదలైంది. ముహూర్తపు దృశ్యానికి రమణ గోగుల కెమెరా స్విచాన్ చేయగా, శ్రీకాంత్ అడ్డాల క్లాప్ ఇచ్చారు. అనిల్‌కుమార్ యాదవ్ గౌరవ దర్శకత్వం వహించారు.