TV
పవన్ కళ్యాణ్ వస్తే స్వాగతిస్తాం: జేపీ
హైదరాబాద్: పవన్ కళ్యాణ్ తమ పార్టీలో చేరతామంటే స్వాగతిస్తామని లోక్సత్తా జాతీయ అధ్యక్షుడు డాక్టర్ జయప్రకాష్ నారాయణ పేర్కొన్నారు. ప్రజాసేవ చేయాలనుకునే వారికి లోక్సత్తా బహిరంగ వేదిక అని ఆయన చెప్పారు. సమాజాన్ని సానుకూల మార్పు దిశగా నడిపించాలనుకునే వారిని తమ పార్టీ ఎల్లప్పుడూ స్వాగతిస్తుందని అన్నారు.
కాగా, పవన్ కళ్యాణ్ రాజకీయాల్లోకి రాబోతున్నారని తాజాగా వార్తలు వచ్చాయి. ఆయన ఎంపీగా పోటీ చేస్తారని సోషల్ మీడియాలో జోరుగా ప్రచారం జరుగుతోంది. దీనిపై వివరణ ఇచ్చేందుకు ఈనెల రెండో వారంలో మీడియా ముందుకు రానున్నట్టు పవన్ కళ్యాణ్ ఆదివారం రాత్రి ఒక ప్రకటన విడుదల చేశారు. తన రాజకీయ ఆలోచనల గురించి ఆయన స్పష్టం చేయనున్నారు.
