రాజకీయాల్లోకి రావటమే నా తప్పు: దాసరి

రాజకీయాల్లోకి రావటమే నా తప్పు: దాసరి

హైదరాబాద్: రాజకీయాల్లోకి రావటమే జీవితంలో తాను చేసిన తప్పు అని కేంద్ర మాజీమంత్రి, దర్శకరత్న డాక్టర్ దాసరి నారాయణరావు అన్నారు. సోమవారం హైదరాబాద్‌లోని రవీంద్రభారతిలో శృతిలయ ఆర్ట్స్ అకాడమి ఆధ్వర్యంలో దాసరి నారాయణరావు 71వ జన్మదినోత్సవ కార్యక్రమం జరిగింది.

ఈ సందర్భంగా డాక్టర్ దాసరి నారాయణరావు స్వర్ణకంకణాన్ని ప్రముఖ సినీ దర్శకురాలు విజయనిర్మలకు ప్రదానం చేశారు. అనంతరం దాసరి మాట్లాడుతూ ‘ 50 సంవత్సరాలు తెల్లటి దుస్తులతో తెల్లగా జీవించాను. కానీ ఒక మచ్చ వేశారు. అది కూడా తారుతో వేశారు. ఒకరిని కాపాడేందుకు బొగ్గు స్కాంలో నన్ను ఉపయోగించుకొన్నారు. ఆ మచ్చలు తారుతో వేసినవైనా, బురదతో వేసినవైనా సరే తెల్లగా మళ్లీ మీ ముందు కన్పిస్తాను.’ అని దాసరి చెప్పారు.