మేం చెప్పినట్లే ఫలితాలు: పొన్నాల

 

 ఎవరూ జారిపోకుండా చూడండి: పొన్నాల సోమవారం మున్సిపల్ ఎన్నికల ఫలితాల సరళిని సమీక్షించారు. మాజీ మంత్రి కెప్టెన్ ఉత్తమ్‌కుమార్‌రెడ్డితోపాటు టీపీసీసీ నాయకులు పాల్గొన్న ఈ సమావేశంలో కాంగ్రెస్‌కు స్పష్టమైన మెజారిటీ వచ్చిన స్థానాల తోపాటు పెద్ద పార్టీగా అవతరించిన మున్సిపాలిటీల్లోనూ చైర్మన్ పదవిని దక్కించుకోవాలని నిర్ణయించారు. ఈ క్రమంలో మిత్రపక్షాలైన మజ్లిస్, సీపీఐ సహకారంతోపాటు స్వతంత్ర అభ్యర్థులను పార్టీవైపు తిప్పుకునేందుకు చర్యలు తీసుకోవాలని పొన్నాల సూచించారు. కాంగ్రెస్ గెలిచిన అభ్యర్థులెవరూ పార్టీ నుంచి జారిపోకుండా చూడాలని జిల్లా నేతలను ఆదేశించారు. ఈ విషయంలో ప్రధాన బాధ్యతను మాజీ మంత్రులతోపాటు స్థానిక ఎమ్మెల్యే అభ్యర్థులు, మున్సిపల్ చైర్మన్ పదవిని ఆశిస్తున్న నేతలకు అప్పగించినట్టు సమాచారం.