ఆంధ్రప్రదేశ్ రాజధానిగా విశాఖ అత్యుత్తమం

ఆంధ్రప్రదేశ్ రాజధానిగా విశాఖ అత్యుత్తమం

విశాఖపట్నం: ఆంద్రప్రదేశ్ రాష్ట్రానికి విశాఖపట్నాని రాజధానిగా చేయాలని కాంగ్రెస్ సీనియర్ నేత టి సుబ్బరామి రెడ్డి కోరారు. రాజధానికి కావాల్సిన మౌళిక వసతులు విశాఖపట్నంలో ఉన్నాయని ఆయన చెప్పారు.


కొత్త రాజధాని ఎంపిక కోసం కేంద్ర ప్రభుత్వం నియమించిన శివరామకృష్ణన్ కమిటీకి ఈ మేరకు నివేదిక సమర్పించారు. ఈ సందర్భంగా సుబ్బరామి రెడ్డి విలేకరులతో మాట్లాడుతూ హైదరాబాద్ తర్వాత అతిపెద్ద నగరం విశాఖపట్నమని, అన్ని వసతులు ఉన్నాయని చెప్పారు. విశాఖపట్నంతో పాటు విజయవాడ, విజయవాడ-గుంటూరు మధ్య ప్రాంతం, కాకినాడ-రాజమండ్రి మధ్య ప్రాంతాలను కొత్త రాజధానికి పరిశీలించాలని శివరామకృష్ణన్ కమిటీకి సూచించారు. కాగా రోడ్డు, రైలు, విమానయాన మార్గాలు, భూమి, నీటి వనరులు తదితర సౌకర్యాల రీత్యా విశాఖపట్నం కొత్త రాజధానికి అనువుగా ఉంటుందని సుబ్బరామి రెడ్డి అభిప్రాయపడ్డారు.