‘సమైక్యం’ కోసం ఏకం కావాలి

పాలకొల్లు, న్యూస్‌లైన్ : సమైక్యాంధ్ర సాధన కోసం అన్ని రాజకీయ పార్టీలు విభేదాలను పక్కనపెట్టి ఒకే గొడుగుకిందకు రావాల్సిన ఆవశ్యకత ఎంతైనా ఉందని వైఎస్సార్ కాంగ్రెస్ పార్టీ నాయకుడు, ఎమ్మెల్సీ మేకా శేషుబాబు అన్నారు. స్థానిక గాందీబొమ్మల సెంటర్‌లో జేఏసీ ఆధ్వర్యంలో నిర్వహిస్తున్న రిలేనిరాహార దీక్షలకు ఆదివారం ఆయన సంఘీబావం తెలిపి మాట్లాడారు. రాష్ట్ర విభజన వల్ల సీమాంధ్ర ప్రాంతంలో అన్ని వర్గాల ప్రజలు తీవ్రంగా నష్టపోయే ప్రమాదముందని, ఈ తరుణంలో పార్టీలకతీతంగా రాజకీయనాయకులు ఏకమై ఉద్యమిస్తేనే కేంద్రప్రభుత్వం దిగివస్తుందన్నారు.