దూసుకొచ్చిన ‘డుకాటీ డయావెల్‌ 1260’ 

న్యూఢిల్లీ: ఇటాలియన్‌ సూపర్‌ బైక్స్‌ తయారీ దిగ్గజం డుకాటీ.. భారత మార్కెట్లోకి సరికొత్త ‘డయావెల్‌ 1260’ బైక్‌ను శుక్రవారం ప్రవేశపెట్టింది. ఈ బైక్‌ ధర రూ.17.7 లక్షలు కాగా, ఇదే మోడల్‌లో అధునాతన స్పోర్ట్స్‌ బైక్‌ను కంపెనీ విడుదలచేసింది. ‘డయావెల్‌ 1260 ఎస్‌’ పేరుతో అందుబాటులోకి వచ్చిన నూతన స్పోర్ట్స్‌ వేరియంట్‌ ధరను రూ.19.25 లక్షలు(ఎక్స్‌షోరూం)గా నిర్ణయించింది. ఇందులో 1262 సీసీ ఇంజిన్‌ను అమర్చించి. ఈ సందర్భంగా డుకాటీ ఇండియా ఎండీ సెర్గీ కెనోవాస్‌ మాట్లాడుతూ.. ‘క్రూయిజర్‌ను ఇష్టపడే వాళ్లలో అధిక శాతం వినియోగదారులు డయావెల్‌ మోడల్‌ను ఇష్టపడతారు. నూతన 1260 బైక్‌కు మంచి ఆదరణ లభిస్తుందని భావిస్తున్నాం’ అని అన్నారు.