చిప్స్‌ కింగ్‌కు శాంసంగ్‌ చెక్

సియోల్‌ : కంప్యూటర్‌ చిప్స్‌ విభాగంలో అగ్రగామిగా, రెండు దశాబ్దాలకు పైగా తన హవా చాటుతున్న సిలికాన్‌ సెమీకండక్టర్‌ ఇంటెల్‌కు దక్షిణకొరియా ఎలక్ట్రానిక్స్‌ దిగ్గజం శాంసంగ్‌ చెక్‌ పెట్టింది. కంప్యూటర్‌ చిప్స్‌ విభాగంలో ఇంటెల్‌ను వెనక్కి నెట్టేసి శాంసంగ్‌ రారాజుగా నిలిచింది. గురువారం ప్రకటించిన ఫలితాల్లో శాంసంగ్‌ లాభాలు రికార్డు స్థాయిలో జంప్‌ చేశాయి. దీంతో ఇంటెల్‌కు శాంసంగ్‌ చెక్‌ పెట్టినట్టు విశ్లేషకులు చెప్పారు. ఏప్రిల్‌-జూన్‌ క్వార్టర్‌లో ఇంటెల్‌ను శాంసంగ్‌ పక్కకు నెట్టేసినట్టు పేర్కొన్నారు. శాంసంగ్‌ మొత్తం 17.6 ట్రిలియన్‌(రూ.1,01,284కోట్ల) రెవెన్యూల నిర్వహణ ఆదాయాల్లో సెమికండక్టర్‌ బిజినెస్‌ల నుంచే 8 ట్రిలియన్లు(రూ.46,157కోట్లకు పైగా) వచ్చినట్టు కంపెనీ తెలిపింది. ఇంటెల్‌ కూడా నేడే ఫలితాలను ప్రకటించనుంది. కానీ దీని క్వార్టర్లీ రెవెన్యూలు 14.4 బిలియన్‌ డాలర్లుగానే ఉండబోతున్నట్టు తెలుస్తోంది. అంటే రూ.92,314 కోట్లు మాత్రమేనని విశ్లేషకులు అంచనావేస్తున్నారు. వార్షికంగా ఇంటెల్‌ విక్రయాలను శాంసంగ్‌ అధిగమించినట్టు అంచనాలు వెలువడుతున్నాయి.