కార్తీ చిదంబరం సీఏ అరెస్ట్‌..

కార్తీ చిదంబరం

న్యూఢిల్లీ: ఐఎన్‌ఎక్స్‌ మీడియా మనీ లాండరింగ్‌ కేసుకు సంబంధించి కేంద్ర మాజీ మంత్రి చిదంబరం కొడుకు కార్తీ చార్టెర్డ్‌ అకౌంటెంట్‌(సీఏ)ని ఎన్‌ఫోర్స్‌మెంట్‌ డైరెక్టరేట్‌(ఈడీ) శుక్రవారం అరెస్ట్‌ చేసింది. దీంతోపాటు చెన్నైలోని కార్తీ సంబంధీకుల ఇళ్లలో సోదాలు జరిపింది. ఢిల్లీలోని ఓ ఫైవ్‌స్టార్‌ హోటల్‌లో ఉన్న కార్తీ సీఏ భాస్కరరామన్‌ను ఈడీ అదుపులోకి తీసుకుని స్పెషల్‌ జడ్జి ఎదుట హాజరుపరిచింది. అక్రమంగా కూడబెట్టిన ఆస్తుల వివరాలను రాబట్టేందుకు భాస్కరరామన్‌ను విచారించాల్సిన అవసరముందని పేర్కొంది. సీఏను జడ్జి ఐదురోజుల రిమాండ్‌కు పంపారు.