TV
'బాబుతో భేటీ తర్వాత పొగాకు రైతులపై ప్రకటన'
ఒంగోలు : ప్రకాశం జిల్లా వలేటివారిపాలేం మండలం కొండసముద్రంలో ఆత్మహత్యకు పాల్పడ్డ రైతు నీలం వెంకట్రావ్ కుటుంబాన్ని కేంద్రమంత్రి నిర్మలా సీతారామన్, వైఎస్ఆర్ సీపీ ఎంపీ వైవీ సుబ్బారెడ్డి పరామర్శించారు. ఈ సందర్భంగా ఆమె మీడియాతో మాట్లాడారు. పొగాకు రైతులెవరూ ఆత్మహత్యలకు పాల్పడవద్దని సూచించారు. పొగాకు రైతులను ఆదుకుంటామని ఆమె చెప్పారు.
ఈ రోజు సాయంత్రం ఆంధ్రప్రదేశ్ ముఖ్యమంత్రి చంద్రబాబు నాయుడుతో సమావేశమై మాట్లాడిన తర్వాత పొగాకు రైతుల విషయంపై ఓ ప్రకటన విడుదల చేస్తామని మంత్రి వివరించారు. జిల్లాలోని కందుకూరు వేలం-2 కేంద్రం వద్ద పొగాకు రైతులు ఆందోళన చేపట్టారు. కేంద్రమంత్రి స్పష్టమైన ప్రకటన చేయలేదంటూ రైతులు తమ ఆవేదన వ్యక్తంచేశారు.
