ప్రియాంక గాంధీ క్షమాపణ చెప్పాలి: బీజేపీ

ప్రియాంక గాంధీ క్షమాపణ చెప్పాలి: బీజేపీ

న్యూఢిల్లీ: నరేంద్ర మోడీకి, జాతికి ప్రియాంక గాంధీ క్షమాపణ చెప్పాలని బీజేపీ డిమాండ్ చేసింది. మోడీకి వ్యతిరేకంగా ఆమె చేసిన నీచ రాజనీతి వ్యాఖ్యలపై బీజేపీ మండిపడింది. కాంగ్రెస్ నాయకులు సంయమనం కోల్పోయి నోటికి వచ్చినట్టు మాట్లాడుతున్నారని బీజేపీ అధికార ప్రతినిధి షానవాజ్ హుస్సేన్ విమర్శించారు. సోనియా గాంధీ కుటుంబం మొత్తం మోడీని లక్ష్యంగా చేసుకుని పరుష పదజాలంతో దాడి చేస్తోందన్నారు.

రాజకీయాలు క్లీన్గా ఉండాలని, వ్యక్తిగత విమర్శలకు దిగడం మంచిది కాదని హితవు పలికారు. మోడీ తమ పార్టీ ప్రధాని అభ్యర్థి మాత్రమే కాదని, ప్రజలు ఆయనను ఎంపిక చేసుకున్నారని చెప్పారు. అలాంటి నాయకుడిపై నోరు జారిన ప్రియాంక క్షమాపణలు చెప్పాలని షానవాజ్ హుస్సేన్ డిమాండ్ చేశారు.