TV
అమిత్‌షా రాష్ట్ర పర్యటన ఎందుకు?: పిడమర్తి
సాక్షి, హైదరాబాద్‌: తెలంగాణ రాష్ట్ర పర్యటనకు బీజేపీ జాతీయ అధ్యక్షుడు అమిత్‌షా ఎందుకు వస్తున్నారో చెప్పాలని ఆ పార్టీని రాష్ట్ర ఎస్సీ కార్పొరేషన్‌ చైర్మన్‌ పిడమర్తి రవి డిమాండ్‌ చేశారు.
తెలంగాణ భవన్‌లో శనివారం ఆయన విలేకరులతో మాట్లాడుతూ.. ఎస్సీ రిజర్వేషన్ల వర్గీకరణ బిల్లును పార్లమెంట్‌లో ఎప్పుడు పెడ తారో చెప్పాలన్నారు. అలాగే ఎస్టీ రిజర్వేషన్లు పెంచే చట్టాన్ని పార్లమెంట్‌లో ఎప్పుడు పెడతారు, బీసీలకు 33 శాతం రిజర్వేషన్ల పెంపుపై మీ వైఖరి ఏంటో చెప్పాలన్నారు. ముస్లిం మైనారిటీలకు 12 శాతం రిజర్వేషన్లు ఇస్తారా? ట్రిపుల్‌ తలాక్‌లో మీ జోక్యం ఎందుకు అంటూ ప్రశ్నించారు.
