TV
ఫేస్‌బుక్ సారీ!
విషాదాలను గుర్తుచేసినందుకు
న్యూయార్క్: సంవత్సర సమీక్ష పేరుతో విషాద సంఘటనలనూ గుర్తు చేసినందుకు ఫేస్‌బుక్ యూజర్లను ఆ వెబ్‌సైట్ క్షమాపణలు కోరింది. ఫేస్‌బుక్‌లో ఏడాది పాటుగా యూజర్లు ఉంచిన పోస్టుల్లో కొన్నింటిని హైలైట్లుగా ఎంపికచేసి ప్రతి ఖాతాదారుడికీ తన ‘ఇయర్ ఇన్ రివ్యూ’ చూపించేలా ఆ వెబ్‌సైట్ ఓ అప్లికేషన్ ఉపయోగించింది.
వీడియో, ఫొటోల హైలైట్లను చూడటంతో పాటు షేర చేసేందుకూ వీలయ్యేలా ఈ ‘ఇయర్ ఇన్ రివ్యూ’ యాప్‌ను ఫేస్‌బుక్ రూపొందించింది. అయితే ఆనందకర సంఘటనలతోపాటు విషాద సంఘటనలనూ హైలైట్లుగా ఎంపిక చేసి ఈ యాప్ సమీక్షలో ఉంచేసింది. దీంతో యూజర్లు మనో వేదనకు గురయ్యారు. అందుకే యూజర్లకు క్షమాపణలు చెబుతున్నామని ఫేస్‌బుక్ వర్గాలు తెలిపాయి.
