ఆ వ్యాఖ్యలతో తీవ్రవాదులకు లాభం: హిల్లరీ

లాస్ ఏంజల్స్: అమెరికా అధ్యక్ష ఎన్నికల్లో డెమోక్రటిక్ ప్రెసిడెంట్ నామినీ హిల్లరీ క్లింటన్ తన ప్రత్యర్థి డొనాల్డ్ ట్రంప్పై తీవ్రస్థాయిలో విరుచుకుపడ్డారు.  జిమ్మీ కిమ్మెల్ లైవ్ షోలో మాట్లాడుతూ.. అసలు అధ్యక్ష పదవి రేసులో తన ప్రత్యర్థిగా డొనాల్డ్ ట్రంప్ కాకుండా.. అర్హత కలిగిన వేరే వ్యక్తి పోటీలో ఉంటే బాగుండేదని భావిస్తున్నట్లు హిల్లరీ తెలిపారు. డొనాల్డ్ ట్రంప్ వ్యాఖ్యలు తీవ్రవాదులకు ఉపయోగపడేలా ఉన్నాయని ఆమె విమర్శించారు. ట్రంప్ వ్యాఖ్యలు తీవ్రవాదులకు ఒక సందర్భాన్ని ఇచ్చినట్లు అవుతోందని.. ఇవి పరోక్షంగా వారికి ఉపయోగపడుతాయని హిల్లరీ వ్యాఖ్యానించారు. ఈ విషయంలో తగినన్ని ఆధారాలు సైతం ఉన్నాయని ఆమె తెలిపారు.