వలస కార్మికులకు బాసటగా అనిల్‌ రావిపూడి

హైదరాబాద్‌: కరోనా వైరస్‌ విజృంభిస్తున్న నేపథ్యంలో ఇబ్బందులు ఎదుర్కొంటున్న ప్రజలకు తమ వంతు సహాయం చేస్తూ పలువురు సినీస్టార్‌లు తమ దాతృత్వాన్ని చాటుకుంటున్నారు. ప్రిన్స్‌ మహేష్‌బాబుతో సరిలేరు నీకెవ్వరు వంటి సంచలన విజయాన్ని అందుకున్న హిట్‌ చిత్రాల దర్శకుడు అనిల్‌ రావిపూడి వలస కార్మికులకు బాసటగా నిలిచారు. పేద ప్రజలకు సహాయం చేయటమే కాకుండా తన మద్దతుదారులను సహాయం చేయాలని కోరారు. వలస కార్మికుల సమస్యలపై అనిల్‌ స్పందిస్తూ.. మనం సంతోషంగా జీవించడానికి కృషి చేసిన వారు నేడు చాలా ఇబ్బందులను ఎదుర్కొంటున్నారు.

వారి ఇబ్బందులను పరిష్కరించే విధంగా నా వంతు సహాయాన్ని అందించాను. ప్రజలకు కూడా సాధ్యమైనంత సహాయం చేసి వారిని ఆదుకోవాల’’ని కోరారు. ఇటీవల సినీ నటుడు మంచు మనోజ్‌ వలస కార్మికుల సమస్యలకు చలించి వారి రవాణా సదుపాయాలకు కృషి చేసి మానవత్వాన్ని చాటుకున్న సంగతి తెలిసిందే.

చదవండి:చిరుతో సినిమా నా కల: అనిల్‌ రావిపూడి