‘భరత్‌ అనే నేను’ ట్రైలర్‌ వచ్చేసింది..

ఎల్బీ స్టేడియంలో ‘భరత్‌’ బహిరంగ సభ శనివారం సాయంత్రం గ్రాండ్‌గా జరిగింది. అభిమానుల ఎంతగానో ఎదురుచూస్తున్నా ‘భరత్‌ అనే నేను’ సినిమా ట్రైలర్‌ వచ్చేసింది. ముఖ్య అతిథిగా విచ్చేసిన యంగ్‌ టైగర్‌ ఎన్టీఆర్‌ ట్రైలర్‌ విడుదల చేశారు. ట్రైలర్‌లో హీరో మహేశ్‌ బాబు చాలా స్టైలిస్‌గా కనిపించారు. ‘తప్పు జరిగితే కొంచెం కఠినంగా ఉండి కరెక్టు చేయడానికి ట్రై చేస్తే మీకు రాచరికం, రాజులు గుర్తు వచ్చారు.. కానీ నాకు మాత్రం చిన్నప్పుడు తప్పు చేస్తే దండించే మా అమ్మా, నాన్న గుర్తు వచ్చారని’ మహేశ్‌ వాయిస్‌తో ట్రైలర్‌ ప్రారంభమౌతుంది. భరత్‌ అనే నేను అనే థీమ్‌ సాంగ్‌ బ్యాక్‌ గ్రౌండ్‌లో ఎంతగానో ఆకట్టుకుంది. 

ఎట్టకేలకు ఒక్కడొచ్చాడబ్బా అని రావు రమేశ్‌ చెప్పే డైలాగ్‌ చాలా పవర్‌ ఫుల్‌గా ఉంది. రాజకీయ నాయకుడు అనుకున్నా.. నాయకుడు అనే డైలాగ్‌ కూడా ఎంతగానో ఆకట్టుకుంటుంది. అంతేకాక దేవరాజ్‌ చెప్పిన.. మీరు అధికారంలో ఉన్నప్పుడు మమ్మల్ని.. మేము అధికారంలో ఉన్నప్పుడు మిమ్మల్నీ అదుకోవడం అగ్రిమెంట్‌ అని చెప్పడం చాలా పవర్‌ ఫుల్‌గా అనిపించింది.  త్వరలోనే మీ అందర్ని మాట మీద నిలబడే మొగాల్ని చేస్తానని దైవసాక్షిగా ప్రమాణం  చేస్తున్నాను అనే డైలాగ్‌ మహేశ్‌ అభిమానులను ఎంతగానో ఆకర్షిస్తుంది. ఈ సినిమా ప్రపంచ వ్యాప్తంగా ఏప్రిల్‌ 20వ తేదీన విడుదల అవుతోంది.