TV
సంగీతం... జీవితం...
బంధానికీ, ప్రేమకూ ఉన్న తేడా ఏంటి? వాటి విలువలు ఎవరికి తెలుస్తాయి? సంగీతానికీ, జీవితానికీ మధ్య ఏమైనా అనుబంధం ఉందా? ఈ ప్రశ్నలకు సమాధానంగా ఓ చిత్రం రూపొందుతోంది. డీవీ రాజేందర్ స్వీయ దర్శకత్వంలో ఈ చిత్రాన్ని నిర్మిస్తున్నారు. సన్నీ రాజ్, అరుణ్ కృష్ణ, సాకేత్, సుమిత్, అభిషేక్, సుస్మిత ఇందులో ప్రధాన పాత్రధారులు. ఈ చిత్రం షూటింగ్ హైదరాబాద్‌లో మొదలైంది. యువతరం నేపథ్యంలో సాగే కథాంశంతో ఈ చిత్రాన్ని రూపొందిస్తున్నామనీ దర్శకుడు చెప్పారు. విజ్ఞాన్ రత్తయ్య, ఆర్‌వీఎస్ భరత్, గోపి, రఫీ తదితరులు ఈ కార్యక్రమంలో పాల్గొన్నారు. ఈ చిత్రానికి కెమెరా: సురేశ్, కూర్పు: అనిల్.
