రాజ్ తరుణ్ 'లవర్'

చాలా రోజులుగా వాయిదా పడుతూ వస్తున్న దిల్ రాజు, రాజ్ తరుణ్ ల కాంబినేషన్ ఫైనల్ గా సెట్స్ మీదకు వచ్చింది. గతంలో శతమానంభవతి సినిమాలో రాజ్ తరుణే హీరోగా నటించాల్సి ఉన్నా అప్పట్లో డేట్స్ కుదరకపోవటంతో శర్వానంద్ చేతికి వెళ్లింది. ఆ తరువాత కూడా రెండు మూడు సార్లు ఈ కాంబినేషన్ పై వార్తలు వినిపించాయి.

ఫైనల్ గా దిల్ రాజు బ్యానర్ లో రాజ్ తరుణ్ హీరోగా ఓ సినిమా ప్రారంభమయ్యింది. ఈ రోజు ( అక్టోబర్ 24 మంగళవారం) ఉదయం లాంచనంగా ప్రారంభించారు. యువ దర్శకుడు అనిల్ రావిపూడి తొలిషాట్ కు క్లాప్ కొట్టగా హరీష్ శంకర్ కెమెరా స్విచాన్ చేశారు. అనీష్ కృష్ణ దర్శకత్వంలో తెరకెక్కుతున్న ఈ సినిమాకు లవర్ అనే టైటిల్ ను ఫిక్స్ చేశారు. రాజ్ తరుణ్ ప్రస్తుతం సంజనా రెడ్డి దర్శకత్వంలో తెరకెక్కిన రాజుగాడు సినిమాతో ప్రేక్షకుల ముందుకు వచ్చేందుకు రెడీ అవుతున్నాడు.

(మరిన్ని చిత్రాల కోసం ఇక్కడ క్లిక్‌ చేయండి)