TV
నాన్నకూ.. అక్కకూ సహాయం!
కమల్‌హాసన్, శ్రుతీహాసన్ తండ్రీకూతుళ్లుగా ‘శభాష్ నాయుడు’ చిత్రంలో నటిస్తున్న విషయం తెలిసిందే. ఈ చిత్రానికి అక్షరాహాసన్ కూడా పని చేస్తున్నారు. అయితే కమల్, శ్రుతి ఆన్ స్క్రీన్ కనిపిస్తే, అక్షరాహాసన్ మాత్రం ఆఫ్ ద స్క్రీన్‌కి పరిమితమవుతారు. మలయాళ దర్శకుడు రాజీవ్ కుమార్ దర్శకత్వంలో తెలుగు, తమిళ, హిందీ భాషల్లో ఈ చిత్రం తెరకె క్కుతోంది. ఇప్పటికే పలు హిందీ చిత్రాలకు దర్శకత్వ విభాగంలో పనిచేసిన అనుభవం ఉన్న అక్షర ఈ సినిమాకు దర్శకత్వ విభాగంలో పనిచేయడానికి ఆసక్తి కనబర్చారట. దీనికి కమల్ కూడా గ్రీన్ సిగ్నల్ ఇచ్చారు. నాన్నా, అక్కా నటిస్తున్న సినిమాకి సహాయ దర్శకురాలిగా చేస్తున్నందుకు అక్షర సంబరపడిపోతున్నారు.
