ఆసక్తిరేపుతోన్న ‘వెంకీమామ’ టైటిల్‌ లోగో

‘ఎఫ్‌2’తో ఫుల్‌ ఫామ్‌లోకి వచ్చిన విక్టరీ వెంకటేష్‌.. తాజాగా ‘వెంకీమామ’ షూటింగ్‌తో బిజీ అయ్యారు. నాగ చైతన్య, వెంకటేష్‌ కలిసి నటిస్తుండటంతో.. ఈ మూవీపై అంచనాలు బాగానే ఏర్పడ్డాయి. చాలా కాలంపాటు వాయిదాపడుతూ వచ్చిన ఈ మూవీ.. ప్రస్తుతం జెట్‌స్పీడ్‌లో షూటింగ్‌ జరుపుకుంటోంది.

ఉగాది సందర్భంగా ఈ మూవీ టైటిల్‌ లోగోను కాసేపటిక్రితమే విడుదల చేసింది చిత్రయూనిట్‌. రాశీ చక్రంలో.. వెంకీమామ టైటిల్‌ను ఆసక్తికరంగా డిజైన్‌చేశారు. పోస్టర్‌లో ఓ వైపు పల్లెటూరి వాతావరణం.. మరోవైపు యుద్దవాతావరణం కనిపిస్తోంది. ఇందులో వెంకటేశ్, నాగచైతన్య నిజజీవితంలో మాదిరిగానే మామాఅల్లుళ్లుగా నటించనున్నారు. సురేశ్‌ ప్రొడక్షన్స్, కోన ఫిల్మ్‌ కార్పొరేషన్, పీపుల్స్‌ మీడియా ఫ్యాక్టరీ సంయుక్తంగా ఈ సినిమాను నిర్మిస్తున్నారు. ఈ చిత్రంలో వెంకటేశ్‌ సరసన పాయల్‌ రాజ్‌పుత్, నాగచైతన్యకు జోడీగా రాశీఖన్నా నటిస్తున్నారు. ఈ చిత్రానికి కేఎస్‌ రవీంద్ర (బాబి) దర్శకత్వం వహిస్తున్నారు.

Here's the #VenkyMamaLogo

Please tag us & start sharing your Fan theories in 3......2.......1.....#VenkyMama | #VenkateshDaggubati | @ChayAkkineni | @starlingpayal | @RaashiKhanna | @DirBobby | @SureshProdns | @peoplemediafcy pic.twitter.com/1zDBYgaoJW

— Suresh Productions (@SureshProdns) 5 April 2019