TV
రోశయ్యకు అదనపు బాధ్యతలు
- కర్ణాటక ఇన్‌చార్జ్ గవర్నర్‌గా నియామకం
- ఉత్తర్వులు జారీ చేసిన రాష్ర్టపతి ప్రణబ్
చెన్నై, సాక్షి ప్రతినిధి : తమిళనాడు గవర్నర్ కె.రోశయ్యకు కర్ణాటక గవర్నర్‌గా కేంద్రం అదనపు బాధ్యతలు అప్పగించింది. 2009లో కర్ణాటక గవర్నర్‌గా బాధ్యతలు చేపట్టిన హెచ్‌ఆర్ భరధ్వాజ్ పదవీ కాలం శనివారంతో ముగియనుంది.
ఈ నేపథ్యంలో కొత్త గవర్నర్‌ను నియమించే వరకు కర్ణాటక గవర్నర్‌గా అదనపు బాధ్యతలను రోశయ్యకు అప్పగిస్తూ రాష్ట్రపతి ప్రణబ్‌ముఖర్జీ శుక్రవారం ఉత్తర్వులు జారీచేశారు. ఇదిలా ఉండగా పుదుచ్చేరి గవర్నర్ లెఫ్టినెంట్ వీరేంద్రకటారియా శుక్రవారం చెన్నై రాజ్‌భవన్‌కు చేరుకుని గవర్నర్ రోశయ్యను మర్యాదపూర్వకంగా కలిశారు.
