TV
కాల్పుల్లో ముగ్గురు మావోయిస్టులు మృతి
రాంచీ: జార్ఖండ్‌లోని పలమావు జిల్లాలో జరిగిన కాల్పుల్లో ముగ్గురు మావోయిస్టులు మృతి చెందారు. శుక్రవారం రెండు మావోయిస్టు గ్రూపుల మధ్య కాల్పులు చోటు చేసుకున్నట్లు పోలీసులు తెలిపారు.
మహ్మద్‌గంజ్‌ పోలీస్‌స్టేషన్‌ పరిధిలోని సీతాచువా గ్రామంలో కాల్పులు జరిగాయని పోలీసులు వెల్లడించారు. మృతి చెందినవారిలో అజయ్‌ యాదవ్‌ అనే మావోయిస్టు ఉన్నట్లు అధికారులు గుర్తించారు. అతడి తలపై 10 లక్షల రివార్డు ఉన్నట్లు తెలుస్తోంది. ఘటనా స్థలంలో గాయపడిన మావోయిస్ట్‌ రెబల్‌ గ్రూప్‌కు సంబంధించిన వ్యక్తితో పాటు.. ఒక ఏకే 47 ను స్వాధీనం చేసుకున్నట్లు పోలీసులు వెల్లడించారు.
