TV
అనంత్‌నాగ్‌: జమ్మూ కశ్మీర్‌లో అనంత్‌నాగ్‌ జిల్లాలో గల వానిహమా గ్రామంలో ముగ్గురు ఉగ్రవాదులను భద్రతా బలగాలు సోమవారం రాత్రి మట్టుబెట్టాయి. గ్రామంలో టెర్రరిస్టులు నక్కి ఉన్నారనే సమాచారంతో అక్కడి చేరుకున్న బలగాలు వెతుకులాట ప్రారంభించాయి. దీంతో ఉగ్రవాదులు ఒక్కసారిగా జవానులపై కాల్పులకు దిగారు. ఇరువురి మధ్య కాల్పులు ఇంకా కొనసాగుతున్నాయి. ఇప్పటివరకూ ముగ్గరు ఉగ్రవాదులను బలగాలు మట్టుబెట్టినట్లు సమాచారం అందింది.
హతమైన ముగ్గురు ఉగ్రవాదులు అమర్‌నాథ్‌ యాత్రికులపై కాల్పులు జరిపిన వారికి సాయం చేసిన వారిగా భావిస్తున్నారు. కాగా, ఇప్పటికే పదుల సంఖ్యలో ఉగ్రవాదులను సైన్యం హతమార్చిన విషయం తెలిసిందే.
