TV
ఎయిర్ పోర్ట్ పార్కింగ్ నుంచి దూకి..
ముంబయి: ముంబయి విమానాశ్రయంలో ఓ వ్యాపార వేత్త ఆత్మహత్యకు పాల్పడ్డాడు. పోలీసుల వివరాల ప్రకారం ఉక్రెయిన్కు చెందిన యువ వ్యాపారవేత్త మిఖైల్ చెక్రీన్(32) ముంబయిలోని ఛత్రపతి శివాజీ విమానాశ్రయంలోగల సెకండ్ లెవల్ పార్కింగ్ స్థలం నుంచి దూకి ఆత్మహత్యకు పాల్పడ్డాడు.
ఆదివారం ఉదయం ఈ ఘటన చోటుచేసుకుంది. రక్తపు మడుగులో ఉన్న అతడిని కూపర్ ఆసుపత్రికి తరలించగా అక్కడే ప్రాణాలుకోల్పోయాడు. ఎందుకు తన ప్రాణాలు బలితీసుకున్నాడనే వివరాలు మాత్రం ఇంకా తెలియరాలేదు.
