కోతుల నుంచి ప్రాణాలు కాపాడుకోబోయి..

కోతుల నుంచి ప్రాణాలు కాపాడుకోబోయి..

ముజఫర్ నగర్: కోతి నుంచి తప్పించుకునే క్రమంలో ఓ మహిళ ప్రాణాలు కోల్పోయింది. తన ఇంటి పై నుంచి అదుపుతప్పి కిందపడి ప్రాణాలు విడిచింది. ఈ ఘటన ఉత్తరప్రదేశ్ లోని ముజఫర్ నగర్ జిల్లా కురాల్సి అనే గ్రామంలో చోటుచేసుకుంది. పోలీసులు తెలిపిన వివరాల ప్రకారం లీలావతి(55) అనే మహిళ తన ఇంట్లోని బట్టలన్నింటిని ఉతికేసి రెండో ఫ్లోర్ పైన ఆరబెట్టింది. సాయంత్రంపూట వాటిని తెచ్చుకుందామని ఇంటిపైకి వెళ్లింది.

అక్కడ ఉన్న కోతులను గమనించని ఆమె దుస్తులను మడతపెడుతూ అదే సమయంలో అక్కడ ఉన్న మూడు కోతులను చూసి ఒక్కసారిగా వణికిపోయింది. ఈలోగా అవి దాడికి దిగాయి. దీంతో, వాటిని తప్పించుకునే క్రమంలో డాబాపై పరుగులు పెడుతుండగా అనుకోకుండా జారి రెండో ఫ్లోర్ నుంచి కిందపడి ప్రాణాలు విడిచింది.