
సాక్షి, విజయవాడ: సీఎం చంద్రబాబుపై వైఎస్ఆర్సీపీ నేత జోగి రమేష్ మండిపడ్డారు. చిట్టినగర్లో జరుగుతున్న వైఎస్ జగన్ బహిరంగ సభకు పెద్ద మొత్తంలో ప్రజలు తరలివచ్చారు. ఈ సందర్భంగా జోగి రమేష్ మాట్లాడుతూ.. చంద్రబాబు సర్కార్కు పతనం ప్రారంభమైందన్నారు. వచ్చే ఎన్నికల్లో వైఎస్ఆర్సీపీదే విజయమని ఆయన విశ్వాసం వ్యక్తం చేశారు.
చంద్రబాబుకు దమ్ము, ధైర్యం ఉంటే వైఎస్సార్ పార్టీ నుంచి నీ పార్టీలో చేర్చుకున్న ఎమ్మెల్యేలతో రాజీనామా చేయించు.. ఎవరి సత్తా ఎంటో తేల్చుకుందామని జోగి రమేష్ సవాల్ విసిరారు. ఫ్యాన్ గుర్తుపై గెలిచిన వ్యక్తులు ఇప్పడు మా జెండాలను తొలగిస్తున్నారని ఆయన మండిపడ్డారు. ఎన్నికలు ఎప్పుడు వచ్చిన 150 సీట్లకు పైగా గెలుస్తామని జోగి రమేష్ చెప్పారు.