TV
ఆసియా 6 రెడ్ స్నూకర్ విజేత పంకజ్ అద్వానీ
భారత స్టార్ క్యూయిస్ట్ పంకజ్ అద్వానీ తన ఖాతాలో మరో అంతర్జాతీయ టైటిల్‌ను వేసుకున్నాడు. అబుదాబిలో ఆదివారం ముగిసిన ఆసియా 6 రెడ్ స్నూకర్ చాంపియన్‌షిప్‌లో పంకజ్ అద్వానీ చాంపియన్‌గా నిలిచాడు.
బెంగళూరుకు చెందిన 30 ఏళ్ల పంకజ్ ఫైనల్లో 7-5 ఫ్రేమ్‌లతేడాతో కీన్ హూ మో (మలేసియా)పై విజయం సాధించాడు. ఇప్పటికే 15 సార్లు వివిధ విభాగాల్లో ప్రపంచ చాంపియన్‌షిప్ టైటిల్స్ నెగ్గిన పంకజ్‌కు ఆసియా టైటిల్ దక్కడం ఇది ఆరోసారి కావడం విశేషం.
